व्याजातून मिळणाऱ्या उत्पनावर कर सवलत द्या एसबीआय बँकेचे अध्यक्ष दिनेशकुमार खारा यांचे मत

सरकारने व्याजातून मिळणाऱ्या उत्पन्नावर काही कर सवलत द्यावी. कारण त्यामुळे बँकांना त्यांच्या बचतीला चालना मिळण्यास मदत होईल, ज्याचा उपयोग प्रकल्पांना निधी देण्यासाठी केला जाऊ शकतो असे मत एसबीआयचे अध्यक्ष दिनेश कुमार खारा यांनी व्यक्त केली.

“अर्थसंकल्पात व्याजाच्या कमाईवरील कराच्या संदर्भात काही दिलासा दिला जाऊ शकतो, तर ते ठेवीदारांना प्रोत्साहन देईल. अखेरीस, बँकिंग क्षेत्र भारतातील भांडवल निर्मितीसाठी जमा केलेल्या ठेवींचा वापर करते, असेही यावेळी दिनेशकुमार खारा यांनी सांगितले. यासंदर्भात बिझनेझ टुडेने पीटीआयच्या हवाल्याने वृत्त दिले.

दिनेश कुमार खारा पुढे म्हणाले की, बँक ठेवी ग्राहकांना एका निश्चित कालावधीसाठी बँकेत पैसे वाचवण्याची परवानगी देतात. वित्तीय संस्था जमा केलेली रक्कम आणि कालावधी यावर आधारित व्याज देते. कर आकारणी कायद्यानुसार, बँका ठेवींवर (सर्व बँक शाखांमध्ये) मिळवलेल्या व्याज उत्पन्नावर कर कापतात जेव्हा ते वर्षाला ४०,००० रुपयांपेक्षा जास्त असते. बचत खात्यासाठी, १०,००० रुपयांपर्यंतचे व्याज करमुक्त आहे असल्याचेही यावेळी सांगितले.

दिनेश कुमार खारा म्हणाले की, गेल्या महिन्यात, एसबीआय SBI ने निवडक अल्प-मुदतीच्या मॅच्युरिटीवरील मुदत ठेव दर ७५ बेसिस पॉईंट्सपर्यंत वाढवले, जे “सुधारणेसाठी जागा” असल्याचे सांगत एसबीआय SBI ने या आर्थिक वर्षात ठेव वाढीचा दर वाढेल असा अंदाज आहे. गेल्या वर्षी त्यात ११ टक्के वाढ झाली होती. या वर्षी १२-१३% वाढ साध्य करण्याचे बँकेचे उद्दिष्ट असल्याचेही यावेळी सांगितले.