Marathi e-Batmya
Related Articles
बॉलीवूड अभिनेता सलमान खानच्या बाहेर गोळीबार केल्याप्रकरणी अटक करण्यात आलेल्या आरोपींपैकी एक अनुज थापन (३२) याचा मुंबई पोलिसांच्या गुन्हे शाखेच्या लॉकअपमध्ये जीवन संपवण्याचा प्रयत्न केल्यानंतर रुग्णालयात दाखल करण्यात आल्याने त्याचा मृत्यू झाला. त्याला आज १ मे रोजी जीटी रूग्णालयात दाखल करण्यात आला असता तो मृत पावल्याचे पोलिसांनी सांगितले
मृत अनुज थापन (२३) याने लॉकअपच्या शौचालयात बेडशीटचा वापर करून जीवन संपवले. त्याला तातडीने सरकारी जीटी रुग्णालयात नेण्यात आले, तेथे उपचारादरम्यान त्याला मृत घोषित करण्यात आले, असे पोलिस अधिकाऱ्याने सांगितले.
दक्षिण मुंबईतील आझाद मैदान पोलिस ठाण्यात अपघाती मृत्यूची नोंद करण्यात येणार आहे.
“या प्रकरणातील एक आरोपी, अनुज थापन याने आत्महत्येचा प्रयत्न केल्याची माहिती आहे,” असे पोलिस उपायुक्त दत्ता नलावडे यांनी आदल्या दिवशी पुष्टी केली होती.
आरोपी मुंबई पोलिस आयुक्तालयाच्या आवारात गुन्हे शाखेच्या लॉकअपमध्ये होता. गुन्हे शाखेचा दावा आहे की थापनने शूटर्सना शस्त्रे पुरवली, ज्यांनी अभिनेत्याच्या घराबाहेर पाच राउंड फायर केले होते.
