Marathi e-Batmya
Related Articles
विधानसभा निवडणूकांच्या पार्श्वभूमीवर महाविकास विकास आघाडीतील प्रमुख घटकपक्ष असलेल्या राष्ट्रवादी काँग्रेस शरदचंद्र पवार पक्षाची आज ४५ उमेदवारांची यादी जाहिर करण्यात आली.
मागील अनेक दिवसांपासून शरद पवार यांचे पुतणे अजित पवार यांनी लोकसभा निवडणूकीत मिळालेल्या अनुभवानंतर बारामती विधानसभा निवडणूकही घरच्यांच्या विरोधात निवडूक लढवायची नाही असा निर्णय घेत तशी घोषणा अजित पवार यांनी जाहिर केली होती. मात्र अखेर त्यांच्या पक्षाच्या नेत्यांनी आणि ना होय म्हणत अखेर अजित पवार यांनी बारामतीतून लढण्याचा निर्णय घेतला. राजकारणातील अजित पवार यांचे गुरु तथा त्यांचे काका शरद पवार यांच्या नेतृत्वाविरोधात बंड पुकारले. त्यानंतर आता बारामती विधानसभा मतदारसंघातून राष्ट्रवादी काँग्रेस शरदचंद्र पवार पक्षाने युगेंद्र पवार यांना राष्ट्रवादी काँग्रेसचे प्रदेशाध्यक्ष जयंत पाटील यांनी उमेदवारी जाहिर केली. त्यामुळे बारामतीत पुन्हा एकदा काका- विरूद्ध पुतण्या असा सामना होणार असल्याचे स्पष्ट झाले आहे.
बारामती विधानसभा निवडणूकीत अजित पवार यांच्या विरोधात त्यांचे पुतणे युगेंद्र पवार हे लढत देणार आहेत. त्यामुळे पुन्हा एकदा पवार-विरूद्ध असा सामना रंगताना लोकसभा निवडणूकीत ज्या पद्धतीने पवार कुटुंबियात ज्या पद्धतीने विभागणी झाली होती. त्या पद्धतीने पुन्हा एकदा पवार कुटुंबियात विभागणी होणार का असा सवाल उपस्थित करण्यात येत आहे. वास्तविक पाहता अजित पवार यांच्या सख्या मोठ्या भावाचे सुपुत्र युगेंद्र पवार आहेत. त्यामुळे पुन्हा एकदा काका पुतण्यांमधील लढत पहायला मिळणार आहे.
याशिवाय स्व. आर आर पाटील यांचे सुपुत्र रोहित पाटील यांचीही या विधानसभा निवडणूकीच्या निमित्ताने राज्याच्या राजकारणात प्रवेश होत आहे. रोहित पाटील यांना तासगांव कवठे-महाकाळ या मतदारसंघातून उमेदवारी जाहिर करण्यात आली आहे. यापूर्वी आर आर पाटील यांच्या पत्नी सुमन पाटील या मतदारसंघाचे प्रतिनिधित्व करत होत्या. त्याचबरोबर एकनाथराव खडसे यांच्या कन्या रोहिणी खडसे यांना मुक्ताईनगरमधून उमेदवारी जाहिर करण्यात आली आहे.
त्याचबरोबर भाजपातून राष्ट्रवादी काँग्रेस शरदचंद्र पवार पक्षात आलेले इंदापूरचे माजी आमदार हर्षवर्धन पाटील यांनाही ठरल्याप्रमाणे उमेदवारी जाहिर करण्यात आली असून भाजपामधून राष्ट्रवादीत आलेले चरण वाघमारे, सुधाकर भालेराव, संदीप नाईक यांना उमेदवारी जाहिर केली आहे.
तर वडिलांच्या भूमिकेच्या विरोधात भूमिका घेत धर्मरावबाबा आत्राम यांच्या कन्या भाग्यश्री आत्राम यांना अहेरीतून उमेदवारी राष्ट्रवादी काँग्रेस शरदचंद्र पवार पक्षाने जाहिर केली आहे. त्याचबरोबर लोकसभा निवडणूकीत पारनेर मतदारसंघातून लोकसभेत गेलेले निलेश लंके यांच्या पत्नी राणी लंके यांनाही उमेदवारी जाहिर करण्यात आली असून अजित पवार गटातून शरद पवार यांच्या पक्षात आलेले राजेंद्र शिंगणे यांनाही पहिल्या यादीतून उमेदवारी जाहिर करण्यात आली आहे. तर पत्रकार परिषदेच्या शेवटी हडपसर विधानसभा मतदारसंघातून प्रशांत जगताप यांच्या नावाची घोषणा प्रदेशाध्यक्ष जयंत पाटील यांनी केली.
तर सोलापूरात शहरातून मागील अनेक दिवसांपासून प्रवेशापासून आणि उमेदवारीपासून वंचित राहिलेले महेश कोठे यांना मात्र यंदाच्या विधानसभा निवडणूकीत उमेदवारी जाहिर करण्यात आली आहे. तर करमाळ्यातून नारायण पाटील यांना जयंत पाटील यांनी उमेदवारी जाहिर केली.
राष्ट्रवादी काँग्रेस शरदचंद्र पक्षाच्या उमेदवारांची यादी खालील प्रमाणे
इस्लामपूर- जयंत पाटील
काटोल- अनिल देशमुख
घनसावंगी – राजेश टोपे
कराड उत्तर – बाळासाहेब पाटील
मुंबा कळवा – जितेंद्र आव्हाड
कोरेगाव – शशिकांत शिंदे
वसमत – जयप्रकाश दांडेगावकर
जळगाव ग्रामीण – गुलाबराव देवकर
इंदापूर – हर्षवर्धन पाटील
राहूरी – प्राजक्त तनपुरे
शिरुर- अशोक पवार
शिराळा – मानसिंगराव नाईक
विक्रमगड – सुनील भुसारा
कर्जत-जामखेड – रोहित पवार
अहमदपूर – विनायकराव पाटील
सिंदखेड राजा – राजेंद्र शिंगणे
उदगीर – सुधाकर भालेराव
भोकरदन – चंद्रकांत दानवे
तुमसर – चरण वाघमारे
किनवट – प्रदीप नाईक
जिंतूर – विजय भांबळे
केज – पृथ्वीराज साठे
बेलापूर – संदीप नाईक
वडगाव शेरी -बापूसाहेब पठारे
जामनेर – दिलिप खोडपे
मुक्ताईनगर – रोहिणी खडसे
मुर्तीजापूर -सम्राट डोंगरदिवे
नागपूर पुर्व – दिनेश्वर पेठे
तिरोडा – रविकांत बोपचे
अहेरी – भाग्यश्री आत्राम
बदनापूर – रुपकुमार चव्हाण
मुरबाड – सुभाष पवार
घाटकोपर (पुर्व) – राखी जाधव
आंबेगाव – देवदत्त निकम
बारामती – युगेंद्र पवार
कोपरगाव – संदीप वर्पे
शेवगाव – प्रताप ढाकणे
पारनेर – राणी लंके
आष्टी- मेहबूब शेख
करमाळा – नारायण पाटील
सोलापूर शहर उत्तर – महेश कोठे
चिपळून- प्रशांत यादव
कागल – समरजीत घाटगे
तासगाव -कवठेमहंकाळ – रोहीत पाटील
हडपसर – प्रशांत जगताप
