Marathi e-Batmya
Related Articles
विधिमंडळ राष्ट्रवादी काँग्रेस पक्षाचे विधान परिषदेचे गटनेते आणि प्रतोद हे पद रिक्त असून या पदावर एकनाथ शिंदे यांची राष्ट्रवादीचे गटनेते आणि अनिकेत तटकरे यांची पक्ष प्रतोद म्हणून नियुक्ती करण्यात आली अशी माहिती देण्यात आली. ही माहिती अजूनही अधिकृत संकेतस्थळावर दाखवण्यात येत आहे ही गंभीर चूक राष्ट्रवादी काँग्रेसचे प्रदेशाध्यक्ष जयंत पाटील यांनी विधानसभेचे कामकाज सुरु होताच पॉईंट ऑफ प्रोसीजरनुसार सभागृहाच्या निदर्शनास आणून दिली.
विधानपरिषदेत राष्ट्रवादी काँग्रेस पक्षाचे गटनेते आमदार एकनाथ खडसे असावे यासंदर्भात पक्षाच्यावतीने सभापतींना पत्र देण्यात आले आहे. याबाबतचे पत्र सभागृहात दाखवले.
राज्याच्या मुख्यमंत्र्यांनी देशाचे पंतप्रधानाच बदलले आहेत. त्यामुळे माझ्याकडे असलेले पक्षाचे गटनेता पदही धोक्यात आले आहे असा टोलाही जयंत पाटील यांनी मुख्यमंत्र्यांना लगावला.
नागालँडमध्ये रीओ हे सर्व पक्षाचा पाठिंबा घेतात, आपल्या राज्याच्या मुख्यमंत्र्यांनी नवी पद्धत राज्यात सुरु केली आहे का? ते राष्ट्रवादी काँग्रेस पक्षाचे विधिमंडळ पक्षाचे गटनेते होऊ इच्छित आहेत असे वाटते असा मिश्किल टोलाही जयंत पाटील यांनी लगावला.
त्यावर विधानसभा अध्यक्ष राहुल नार्वेकर म्हणाले, वास्तविक पाहता हा विषय विधान परिषदेशी संबधित आहे. मात्र त्यात विधिमंडळाचा उल्लेख आहे. त्यामुळे तशी माहिती दिली गेली असेल. मात्र त्यातील तांत्रिक त्रुटी दूर करून चूक दुरूस्त करण्यात येईल असे आश्वासन दिले.
विधान परिषदेत राष्ट्रवादी काँग्रेस पक्षाच्या गटनेते पदी आमदार श्री. एकनाथ खडसे असावे यासंदर्भात पक्षाच्यावतीने सभापतींना पत्रक देण्यात आले. @Jayant_R_Patil #अर्थसंकल्पीयअधिवेशन२०२३https://t.co/Cs6Q6sOT2U
— Nationalist Congress Party – Sharadchandra Pawar (@NCPspeaks) March 13, 2023
