मनोज जरांगे पाटील यांची नव्या मागणी; तर हाके म्हणतात मराठा आणि कुणबी वेगवेगळे आरक्षणाच्या प्रश्नावरून एकमेकांना आव्हान-प्रति आव्हान

काल अचानक मराठा आरक्षणाचे आंदोलक मनोज जरांगे पाटील यांची तब्येत अचानक बिघडल्याने रूग्णालयात दाखल करण्यात आले. त्यानंतर मनोज जरांगे पाटील यांच्या प्रकृत्तीत सुधारणा झाल्यानंतर आज आयोजित पत्रकार परिषदेत बोलताना मराठा आणि मुस्लिम समुदायाला ओबीसीतून आरक्षण द्यावे अशी नवी मागणी केली. त्यामुळे राज्याच्या राजकिय वर्तुळात एकच खळबळ उडाली. तसेच दुसऱ्याबाजूला राज्यातील मराठा समाजाला ओबीसीतून आरक्षण मिळालेच पाहिजे अशी मागणी करत आता राज्य सरकारने ठरवायचे आहे की, एकाच्या सांगण्यानुसार निर्णय घ्यायचा की मराठा समाजाला आश्वासन दिल्याप्रमाणे निर्णय घ्यायचा हे राज्य सरकारने सांगावे अशी मागणी केली.

मनोज जरांगे पाटील यांच्या मराठा समाजालाच्या आरक्षणाच्या मागणीला प्रत्युत्तर म्हणून सुरु झालेला ओबीसी समाजाच्या आरक्षणाचे समर्थक प्रा. लक्ष्मण हाके यांच्यात मागील काही दिवसांपासून निर्माण झालेली जाहिर कटूता आजही कायम राहिल्याचे दिसले. विशेष म्हणजे मनोज जरांगे पाटील रूग्णालयात दाखल होते. तर प्रा. लक्ष्मण हाके यांचे नुकतेच उपोषणाचे आंदोलन राज्य सरकारच्या शिष्टमंडळाने भेट दिल्याने तात्पुरते स्थगित केले. त्यामुळे लक्ष्मण हाके यांनाही रूग्णालयात दाखल करण्यात आले. या दोघांनीही आज रूग्णालयातूनच पत्रकार परिषद घेत एकमेकांवर शरसंधान साधण्याचा प्रयत्न केला.

मनोज जरंगे-पाटील म्हणाले की, ओबीसी समाजाच्या दबावापुढे झुकून मराठा आरक्षणाच्या आश्वासनावर माघार घेतल्यास येत्या महाराष्ट्र विधानसभा निवडणुकीत एकनाथ शिंदे यांच्या नेतृत्वाखालील महायुती सरकारला महागात पडेल, अशी इशारा वजा धमकी दिली.

तसेच मनोज जरंगे-पाटील यांनी लक्ष्मण हाके यांना कडाडून विरोध करताना, मुस्लिमांना कुणबी असल्याचे सिद्ध करणारे सरकारी रेकॉर्ड सापडले असल्यास त्यांनाही ओबीसी प्रवर्गात आरक्षण मिळावे, अशी मागणीही केली.

तर लक्ष्मण हाके (तसेच इतर ओबीसी नेते आणि कार्यकर्ते) यांनी आरोप केला की, मराठा समाजातील सदस्यांना दिले जाणारे ओबीसी प्रमाणपत्रे कुणबी असल्याचे सिद्ध झाले आहे. तसेच कुणबी वेगळे आणि मराठा समाज वेगळा असल्याचे सांगितले.

लक्ष्मण हाके पुढे बोलताना मम्हणाले की, ज्यांच्यासाठी कुणबी ओबीसी मराठ्यांच्या रक्ताच्या नातेवाइकांच्या (मराठीत ‘सगे सोयरे’ असे भाषांतरित केले जाते) मसुदा अधिसूचनेच्या प्रस्तावित अंमलबजावणीबाबत शिंदे सरकारने भूमिका स्पष्ट करावी अशी मागणी केली.

त्याचबरोबर लक्ष्मण हाके म्हणाले की, मनोज जरंगे-पाटील यांना काही तार्किक युक्तिवाद करायचा असेल तर त्यांनी या प्रकरणाचा योग्य अभ्यास केलेल्या सल्लागारांच्या टीमसोबत येऊन माझ्याशी चर्चा करावी. त्यांनी निराधार मागण्या आणि धमक्या देणे थांबवावे, असा इशाराही यावेळी दिले.

लक्ष्मण हाके यांना प्रत्युत्तर देताना मनोज जरांगे-पाटील यांनी सवाल केला की, ओबीसी समाजातील एका व्यक्तीने आंदोलन केले म्हणून महायुती सरकार मराठा समाजाला दिलेले आश्वासन पाळणार का? ज्या मराठ्यांच्या कुणबी ओबीसी नोंदी हैद्राबाद आणि पूर्वीच्या औंध संस्थानामधील जून्या कागदपत्रांमध्ये सापडल्या आहेत, तसेच त्या नोंदी सरकारी नोंदी आहेत. त्यांच्या रक्ताच्या नातेवाइकांच्या [‘सगे सोयरे’] संबंधित अधिसूचनेचा मसुदा या सरकारने लागू करावा. मला आशा आहे की मुख्यमंत्री आपल्या शब्दावर मागे हटणार नाहीत आणि त्यांनी या संदर्भात आम्हाला दिलेले आश्वासन आठवतील. त्यांनी आमच्या मागण्यांकडे लक्ष दिले नाही, तर येत्या विधानसभा निवडणुकीत हे सरकारला महागात पडेल, असा इशाराही दिला.