संजय राऊत यांची खोचक टीका, कांद्याला फेकून द्यायचय, तर ढेकूण चिरडायला तोफेची गरज नाही गुलाबरावला रस्त्यावर फेकून द्यायचाय

ठाकरे गटाचे प्रमुख उद्धव ठाकरे यांची आज रविवारी नाशिक जिल्ह्यातील मालेगाव येथे जाहीर सभा झाली. या सभेतून ठाकरे गटाचे खासदार संजय राऊत यांनी शिंदे गटावर जोरदार टीकास्र सोडले. राऊत यांनी आपल्या भाषणातून अप्रत्यक्षपणे मालेगावचे आमदार दादा भुसे यांचा उल्लेख ढेकूण असा केला. तर सुहास कांदे यांना बाजारातील कांद्याची उपमा दिली.

यावेळी बोलताना संजय राऊत म्हणाले, आज सकाळपासून उद्धव ठाकरे यांची तोफ मालेगावात धडाडणार, अशा बातम्या टीव्हीवर चालवल्या जात आहेत. पण मालेगावचं ढेकूण चिरडायला तोफेची गरज नाही, अशी टीका संजय राऊतांनी केली. दरम्यान, त्यांनी शिंदे गटाचे आमदार सुहास कांदे, गुलाबराव पाटील यांच्यावरही निशाणा साधला.

संजय राऊत आपल्या भाषणात म्हणाले, या महाराष्ट्रात शेतकरी, कष्टकरी आणि बेरोजगारांचे असंख्य प्रश्न आहेत. कांद्याला भाव मिळत नाहीये. कांदा रस्त्यावर फेकला जातोय. पण आता आपल्याला सुहास कांदेला बाजुच्या रस्त्यावर फेकायचं आहे आणि कांद्याला भाव द्यायचा आहे. आपल्याला तिकडे गुलाबराव पाटलाला रस्त्यावर फेकायचं आहे. ज्यांनी-ज्यांनी उद्धव ठाकरेंशी आणि शिवसेना प्रमुखांशी गद्दारी केली, त्या प्रत्येकाला त्याच खोक्याखाली चिरडायचं आहे अशी खोचक टीकाही केली.

About Editor

Check Also

चंद्रशेखर बावनकुळे यांची सूचना, शेतरस्ते, जलसंधारणासाठी लोकप्रतिनिधींनी निधी वापरावा महसूलमंत्री चंद्रशेखर बावनकुळे आमदारांसोबत बैठकीनंतर केली सूचना

राज्यातील दुष्काळी परिस्थितीचे गांभीर्य लक्षात घेता आमदार आणि खासदारांनी आपला निधी मृदसंधारण, चारा लागवड, गोवंश …

Leave a Reply

Your email address will not be published. Required fields are marked *