Marathi e-Batmya
Related Articles
गुरुवारी बेंगळुरूच्या फ्रीडम पार्कमध्ये ‘कॉकरोच जनता पार्टी’ने (CJP) मुख्य निवडणूक आयुक्तांविरुद्धच्या महा-आंदोलनाची सुरुवात केली. यावेळी ‘SIR रद्द करा’ आणि ‘ज्ञानेश कुमार, पद सोडा’ अशा घोषणांनी परिसर दणाणून गेला. मतदार याद्यांच्या पुनरावलोकनातील कथित अनियमिततेबाबत ‘जन-न्यायालय’ (people’s tribunal) आयोजित करणाऱ्या सीजेपी CJP च्या अभिजीत दिपके यांच्यासोबत अभिनेते व कार्यकर्ते प्रकाश राज आणि लोकप्रिय युट्युबर ध्रुव राठी हे देखील या आंदोलनात सहभागी झाले. यानंतर आता ‘चप्पल आंदोलन’ केले जाणार आहे.
गुरुवार सकाळपासूनच बेंगळुरूच्या फ्रीडम पार्कमध्ये अनेक कार्यकर्ते आणि नागरी संस्थांच्या प्रतिनिधींची गर्दी जमू लागली होती. दुपारी १ च्या सुमारास सीजेपी CJP चे नेते अभिजीत दिपके, सौरव दास आणि आशुतोष रांका घटनास्थळी पोहोचले. मंचावर त्यांनी ध्रुव राठी आणि प्रकाश राज यांच्यासोबत हात उंचावून अभिवादन केले, तर त्याच वेळी जमावाने मोदी-विरोधी आणि “मतचोर, मतचोर” अशा घोषणा दिल्या.
उपस्थितांना संबोधित करताना ‘सिंघम’ चित्रपटातील अभिनेते प्रकाश राज यांनी ठामपणे आरोप केला की, निवडणूक आयोगाने (ECI) ‘SIR’ प्रक्रियेद्वारे “संपूर्ण देशाचा अपमान” केला आहे. या देशात सरकार कोण स्थापन करणार हे जनता ठरवायची, पण SIR मुळे आता सरकारच ठरवत आहे की मतदान कोण करणार, असा आरोपही यावेळी केला.
प्रकाश राज पुढे म्हणाले की, २० राज्ये आणि केंद्रशासित प्रदेशांमधील १३ कोटींहून अधिक लोकांना वगळण्यास कारणीभूत ठरलेली एसआरआर SIR प्रक्रिया रद्द करण्याची मागणी करताना, प्रकाश राज यांनी अधोरेखित केले की हे आंदोलन नागरिकांचे हक्क पुनर्स्थापित करण्यासाठी आहे. या आंदोलनाचा उद्देश केवळ मुख्य निवडणूक आयुक्त (CEC) ज्ञानेश कुमार यांना हटवणे हा नाही. ते गेले तर त्यांची जागा दुसरा कोणीतरी घेईल. खरा उद्देश एसआयआर SIR प्रक्रिया रद्द करणे हा आहे, असेही सांगितले.
तसेच, ज्ञानेश कुमार हे पंतप्रधान नरेंद्र मोदी आणि गृहमंत्री अमित शाह यांच्या सांगण्यावरून काम करत असल्याचा आरोपही प्रकाश राज यांनी केला. या कार्यक्रमाच्या आदल्या दिवशी, मुख्य निवडणूक आयुक्तांना इशारा देण्यासाठी प्रकाश राज यांनी त्यांच्या ‘सिंघम’ चित्रपटातील एका संवादाचा संदर्भ देत म्हणाले की, “आली रे आली, ज्ञानू, आता तुझी बारी आली (ज्ञानेश कुमार, आता तुझी वेळ आली आहे)”.
Bengaluru echoes with “S.I.R. band karo!” 🔥 https://t.co/oFrCpAusmG
— Cockroach Janta Party – CJP (@Cockroachisback) October 8, 2026
एसआयआर SIR (मतदार यादीतील विशेष पुनरावलोकन) प्रक्रियेवरून मुख्य निवडणूक आयुक्त (CEC) ज्ञानेश कुमार यांच्या राजीनाम्याची मागणी सीजेपी CJP आणि विरोधी पक्षांकडून केली जात असतानाच हे आंदोलन होत आहे.
‘इंडियन एक्सप्रेस’च्या एका वृत्तातून असे समोर आले की, निवडणूक आयोगाच्या आतच नावे वगळणे आणि ती पुन्हा समाविष्ट करणे यांबाबत चिंता व्यक्त केली जात होती; त्यानंतर या मागण्या अधिक तीव्र झाल्या आहेत.
या अहवालात दावा करण्यात आला आहे की, निवडणूक आयुक्त सुखबीर सिंग संधू आणि विवेक जोशी यांनी गेल्या १० महिन्यांत निवडणूक आयोगाच्या एसआयआर SIR-संबंधित विविध निर्णयांवर किमान १४ वेळा आक्षेप नोंदवले होते.
फ्रीडम पार्क येथे आयोजित सीजेपी CJP च्या कार्यक्रमाला उपस्थित असलेल्यांमध्ये अशा अनेक लोकांचा समावेश होता ज्यांची नावे एसआयआर SIR दरम्यानच्या मसुदा मतदार याद्यांमधून वगळण्यात आली होती. सीजेपी CJP चा दावा आहे की, हे लोक एकाच ठिकाणी राहत असूनही त्यांना ‘स्थलांतरित’ (shifted) आणि ‘गैरहजर’ (absent) असे चिन्हांकित करण्यात आले होते.
Dhruv Rathee is joining the protest in Bengaluru tomorrow, alongside other CJP leaders!
Bengaluru, be ready!
Freedom Park – 8th October – 4PM.
— Cockroach Janta Party – CJP (@Cockroachisback) October 7, 2026
वास्तविक, मतदार यादीतून नावे वगळण्यात आलेल्या लोकांचे अनुभव जाणून घेणे हाच या ‘जन-न्यायालया’चा (people’s tribunal) उद्देश होता.
“जिवंत असलेल्या लोकांना मृत घोषित केले जाते. ही लोकशाहीची हत्या आहे,” असे सीजेपी CJP चे संस्थापक अभिजीत दिपके म्हणाले.
अभिजीत दीपके पुढे म्हणाले की, ते आम्हाला (तरुणांना) झुरळ म्हणतात कारण त्यांना हवे असते की आपण झुरळासारखे जगावे. पण आपण झुरळासारखेच कणखर राहायला हवे, असेही म्हणाले.
दरम्यान, ‘द हिंदू’च्या वृत्तानुसार, या आंदोलनाला “लोकशाही वाचवण्याची लढाई” म्हणणाऱ्या युट्युबर ध्रुव राठी याने एक अहवाल प्रसिद्ध केला आहे. हा अहवाल कर्नाटकातील १०० मतदान केंद्रांवरील एसआयआर SIR प्रक्रियेतील अनियमिततेवर प्रकाश टाकतो.
ध्रुव राठी यांनी म्हटले की, एसआयआर SIR प्रक्रियेबाबत निवडणूक आयोगाकडून (ECI) “शून्य पारदर्शकता” आणि “शून्य उत्तरदायित्व” दिसून आले. जर्मनीमध्ये राहणारे राठी म्हणाले, “मी येथे सत्तांतर घडवून आणण्यासाठी आलेलो नाही.”
या ‘जन-न्यायालया’नंतर, सीजेपी CJP महिला पत्रकारांच्या समर्थनार्थ “चप्पल आंदोलन” करणार आहे. जंतरमंतरवरील आंदोलनादरम्यान दिल्ली पोलिसांच्या एका कर्मचाऱ्याकडून लैंगिक छळ झाल्याचा आरोप या महिला पत्रकारांनी केला होता. गेल्या आठवड्यात ज्ञानेश कुमार यांच्या विरोधात सीजेपी CJP ने आयोजित केलेले हे अशा प्रकारचे दुसरे आंदोलन आहे. गेल्या आठवड्यात मुंबईतील प्रसिद्ध शिवाजी पार्क येथे सीजेपी CJP च्या आंदोलनासाठी हजारो लोक जमले होते.
या आंदोलनात ज्येष्ठ अभिनेते शबाना आझमी, नसीरुद्दीन शाह आणि गायक-संगीतकार विशाल ददलानी हे देखील सहभागी झाले होते.
एका उपहासात्मक ऑनलाइन चळवळीच्या स्वरूपात सुरू झालेल्या या गटाने, मुख्य निवडणूक आयुक्तांविरोधातील आंदोलनाच्या तिसऱ्या टप्प्यासाठी पुन्हा एकदा जंतर-मंतरवर जाण्याची घोषणा केली आहे.
‘जंतर-मंतर २.०’ (Jantar Mantar 2.0) असे संबोधले जाणारे हे ठिकाण जुलै महिन्यात परीक्षांच्या प्रश्नपत्रिका फुटल्याच्या विरोधात झालेल्या प्रचंड विद्यार्थी आंदोलनाचे मुख्य केंद्र होते. या आंदोलनामुळे अखेरीस धर्मेंद्र प्रधान यांना केंद्रीय शिक्षण मंत्रीपदाचा राजीनामा द्यावा लागला होता.
