Marathi e-Batmya
Related Articles
मुंबई: प्रतिनिधी
राज्यात कोरोनामुळे सर्वच व्यवहार ठप्प झालेले असल्याने आर्थिक उलाढाल मंदावली आहे. यापार्श्वभूमीवर आर्थिक व्यवहारांना चालना देण्यासाठी राज्य सरकारने घर खरेदी, जमिन खरेदी-विक्री व्यवहारावर लागणाऱ्या मुद्रांक शुल्कावर सवलत देण्याचा निर्णय नुकताच घेतला. त्यानुसार आज त्यासंदर्भातील गॅजेट सरकारकडून प्रसिध्द करण्यात आले.
राज्य सरकारच्या निर्णयानुसार १ सप्टेंबर २०२० पासून घर खरेदी-जमिन खरेदी-विक्री व्यवहारावर लागणाऱ्या मुद्रांक शुल्कात दोन टक्के इतकी सवलत मिळणार आहे. ही सवलत ३१ डिसेंबर २०२० पर्यत राहणार आहे. तर १ जानेवारी २०२१ ते ३१ मार्च २०२१ या कालावधीसाठी हीच सवलत दिड टक्के राहणार आहे. त्यामुळे आगामी वर्षभरात मध्यमवर्गीय आणि सर्वसामान्यांच्या खिशावर कमी ताण पडणार असून घर खरेदी-विक्री, जमिन विक्री-खरेदीच्या व्यवहाराला मोठ्या प्रमाणात चालना मिळण्याची शक्यता आहे.
