Marathi e-Batmya
Related Articles
मध्य प्रदेशातील भोपाळ येथे भाजपच्या बूथ कार्यकर्त्यांच्या बैठकीत पंतप्रधान नरेंद्र मोदी यांनी राष्ट्रवादी काँग्रेस आणि शरद पवार यांच्यावर सिंचन घोटाळा, सहकारी बँक घोटाळा आणि बेकायदेशीर खाण घोटाळा यासह अनेक घोटाळ्यांचे आरोप केले, त्या आरोपानुसार खटले दाखल करावेत किंवा जाहिरपणे माफी मागावी अशी मागणी वंचित बहुजन आघाडीचे प्रमुख अॅड.प्रकाश आंबेडकर यांनी केली.
पुढे बोलताना अॅड. प्रकाश आंबेडकर म्हणाले की, हा आरोप प्रसारित करण्यात आला, इलेक्ट्रॉनिक टेलिव्हिजन चॅनेलवर अनेक वेळा वाजवला गेला आणि सोशल मीडियावर त्याचे पडसाद उमटले. जर देशाचे पंतप्रधान नरेंद्र मोदी असे आरोप जाहिरपणे करत असतील, तर ते ठोस माहिती आणि पुराव्यांवरून येत असावेत, जे त्यांनी त्यांच्याकडे उपलब्ध असलेल्या ईडी (ED), सीबीआय (CBI), इन्कम टॅक्स या एजन्सींच्या माध्यमातून खात्री केलेल असावेत. म्हणून, आम्ही पंतप्रधानांना विनंती करतो की, त्यांनी १० दिवसांच्या आत भ्रष्टाचारात गुंतलेल्या व्यक्तीवर फौजदारी खटले दाखल करावेत आणि ₹ ७०,००० कोटींचा समावेश असलेल्या या आरोपांसाठी पुनर्प्राप्ती प्रक्रिया सुरू करावी. अन्यथा खोटे आरोप करून बदनामी केली म्हणून राष्ट्रवादी काँग्रेस पार्टी आणि शरद पवार यांची बदनामी केल्याबद्दल त्यांची जाहीर माफी मागावी, अशी मागणीही केली.
In Bhopal, the PM had mentioned multiple allegations of scams of ₹70,000 crore involving the NCP and Sharad Pawar.
If the allegations are really true, the PM Modi, within 10 days, should initiate a fast-track investigation against NCP and Sharad Pawar and recover the ₹70,000… pic.twitter.com/4OL4N0iSlZ
— Prakash Ambedkar (@Prksh_Ambedkar) August 4, 2023
पुढे बोलताना प्रकाश आंबेडकर म्हणाले, निवडणुकीतील फायद्यासाठी ठोस पुराव्याशिवाय वरिष्ठ नेतृत्वाची बदनामी करणे नैतिकतेला धरून नाही आणि राजकारणात ते केले जाऊ नये. एकतर पंतप्रधान नरेंद्र मोदींनी आरोप सिद्ध करावेत किंवा शरद पवार यांची बदनामी केल्याबद्दल त्यांची माफी मागावी अशी मागणी करत १० दिवसांत पंतप्रधानांनी माफी न मागितल्यास तीव्र आंदोलन करू असा इशाराही दिला.
The VBA is raising the issue of the present trend of BJP’s political blackmail, where stories are invented with the aim of causing a damage to and creating a perception against the opposition parties.
We request Sonia Gandhi and @uddhavthackeray to join our fight against BJP’s…
— Prakash Ambedkar (@Prksh_Ambedkar) August 4, 2023
शरद पवार हे I.N.D.I.A. चा भाग आहेत, त्यामुळे आम्ही काँग्रेस नेत्या सोनिया गांधी आणि शिवसेना नेते उद्धव ठाकरे यांना आंदोलनात सहभागी होण्याचे आवाहन करतो असे आवाहनही प्रकाश आंबेडकर यांनी केले.
