Marathi e-Batmya
Related Articles
पहलगाम हल्ल्यात २६ जणांचा बळी गेल्यानंतर भारत आणि पाकिस्तानमधील संबंध बिघडत असताना, संरक्षण मंत्री राजनाथ सिंह यांनी रविवारी म्हटले की, भारताला दुखावण्याचे धाडस करणाऱ्यांना “योग्य” उत्तर देणे ही त्यांची जबाबदारी आहे.
पाकिस्तानसोबतचा तणाव दिवसेंदिवस वाढत असताना त्यांच्या विधानाला अधिक महत्त्व प्राप्त झाले आहे. संरक्षण मंत्री राजनाथ सिंह म्हणाले की, मी तुम्हाला खात्री देऊ इच्छितो की पंतप्रधान मोदींच्या नेतृत्वाखाली, तुम्ही जे इच्छिता ते नक्कीच घडेल, असेही रविवारी दिल्लीत एका कार्यक्रमात सांगितले.
पुढे बोलताना राजनाथ सिंह म्हणाले की, आपल्या देशावर हल्ला करण्याचे धाडस करणाऱ्यांना योग्य उत्तर देणे ही माझी जबाबदारी आहे. तुम्ही सर्वजण पंतप्रधान नरेंद्र मोदींची कार्यनीति आणि चिकाटी जाणता, अशी आठवणही यावेळी करून दिली.
यापूर्वी, पंतप्रधान नरेंद्र मोदी, गृहमंत्री अमित शहा आणि स्वतः संरक्षणमंत्री राजनाथ सिंग यांच्यासह वरिष्ठ भारतीय नेत्यांनी पहलगाम हल्ल्याचा बदला घेण्याचे आश्वासन दिले होते.
पहलगाम हल्ल्यानंतर काही दिवसांनीच, पंतप्रधानांनी भारतीय सशस्त्र दलांना दहशतवादी हल्ल्याला प्रत्युत्तर देण्यासाठी “पूर्ण ऑपरेशनल स्वातंत्र्य” दिले, असे सरकारी सूत्रांनी सांगितले.
उल्लेखनीय म्हणजे, २०१६ मध्ये उरीमध्ये झालेल्या दहशतवादी हल्ल्याला आणि २०१९ मध्ये झालेल्या पुलवामा हल्ल्याला प्रत्युत्तर म्हणून भारताने सर्जिकल स्ट्राईक आणि बालाकोटमध्ये हवाई हल्ले केले, दोन्ही मोदी सरकारच्या काळात पाकिस्तान समर्थित दहशतवाद्यांनी केले होते.
पहलगाम हल्ल्यानंतरही, पंतप्रधान मोदींनी प्रतिज्ञा केली की हल्लेखोर आणि त्यांच्या समर्थकांना ओळखले जाईल, त्यांचा माग काढला जाईल आणि त्यांना कल्पनेपलीकडे शिक्षा दिली जाईल.
दरम्यान, उच्च सरकारी आणि विरोधी नेत्यांकडून सततच्या इशाऱ्यांमुळे, पाकिस्तानने आपल्या सुरक्षा दलांना, सुरक्षा संस्थांना आणि सशस्त्र दलांना हाय अलर्टवर ठेवले आहे, त्यांना नजीकच्या भविष्यात भारताकडून लष्करी प्रत्युत्तराची भीती आहे.
बैसरन खोऱ्यातील हल्ल्याच्या एका दिवसानंतर, राजनाथ सिंह यांनी इशारा दिला की भारत त्याच्याविरुद्ध कट रचणाऱ्या प्रत्येकाला ओळखेल आणि त्यांना शिक्षा देईल.
राजनाथ सिंह पुढे बोलताना म्हणाले की, आम्ही केवळ ही घटना घडवणाऱ्यांपर्यंतच पोहोचणार नाही तर ज्यांनी पडद्यामागे बसून भारताच्या भूमीवर असे घृणास्पद कृत्य करण्याचे कट रचले आहे त्यांच्यापर्यंतही पोहोचू, असा सूचक शब्दात इशारा देत भारत दहशतवादाविरुद्ध एकजूट आहे आणि त्याविरुद्ध शून्य सहनशीलतेचे धोरण आहे.
दुसरीकडे, पाकिस्तानने भारताला कोणत्याही “दुष्प्रयासाविरुद्ध” इशारा दिला आहे, तर भारतासोबत वाढता तणाव कमी करण्यासाठी आंतरराष्ट्रीय समुदायाशीही संपर्क साधत आहे.
दोन्ही देशांनी त्यांच्या सुरक्षा संस्था आणि सशस्त्र दलांना कोणत्याही परिस्थितीसाठी सज्ज राहण्यासाठी हाय अलर्टवर ठेवले आहे, कारण जगभरातील अनेक देशांनी भारत आणि पाकिस्तानला संयम बाळगण्याचे आवाहन केले आहे.
