Marathi e-Batmya
Related Articles
केंद्रीय गृहमंत्री अमित शाह यांनी मंगळवारी (२९ जुलै २०२५) लोकसभेत माहिती दिली की २२ एप्रिल रोजी पहलगाम येथे दहशतवादी हल्ला करणारे तीन पाकिस्तानी दहशतवादी एक दिवस आधी काश्मीर खोऱ्यातील दाचीगाम येथे सुरक्षा दलांनी केलेल्या कारवाईत मारले गेले अशी माहिती केंद्रीय गृहमंत्री अमित शाह यांनी देत पुढे म्हणाले की, स्थानिक लोक दहशतवादी गटात सामील होत नसल्याने, पाकिस्तान भीती निर्माण करण्यासाठी सीमेपलीकडून दहशतवादी पाठवत असल्याचा दावाही केला.
आम्ही खात्री केली की दहशतवादी पाकिस्तानात पळून जाऊ नयेत, असे ऑपरेशन सिंदूरवरील चर्चेदरम्यान बोलताना मंत्री अमित शाह यांनी सांगितले.
सरदार पटेल जी का निधन 1950 में ही हो गया था
तो फिर 1960 में सरदार पटेल जी ने विरोध कैसे किया?
अमित शाह जी आज अपने ही लिखे WhatsApp फॉरवर्ड पढ़ रहे थे
— Supriya Shrinate (@SupriyaShrinate) July 29, 2025
माहिती देताना अमित शाह यांनी सांगितले की, सुलेमान, जिब्रान आणि अफगाण भाई हे तीन दहशतवादी पाकिस्तानी नागरिक होते आणि गुप्तचर विभाग (आयबी), लष्कर, केंद्रीय राखीव पोलिस दल (सीआरपीएफ) आणि जम्मू आणि काश्मीर पोलिसांच्या नेतृत्वाखालील कारवाईत मानवी आणि तांत्रिक गुप्तचर यंत्रणेच्या मदतीने त्यांचा माग काढण्यात आला होता.
अमित शाह जी,
यह सुनकर अत्यंत ख़ुशी है कि पहलगाम के आतंकियों को हमारे सुरक्षा बलों ने ढेर कर दिया. हमारी सैन्य शक्ति को नमन
▪️आपने पाकिस्तान को कठघरे में खड़ा करके बढ़िया काम किया
👉फिर भारत-पाकिस्तान मैच खेलना कैसे सही है? बेटे से कहिए यह ग़लत है▪️आपने कहा पहलगाम के अगले…
— Supriya Shrinate (@SupriyaShrinate) July 29, 2025
सुलेमान उर्फ फैसल हा ‘अ’ श्रेणीचा लष्कर-ए-तैयबा (एलईटी)चा दहशतवादी म्हणून ओळखला गेला होता आणि ऑक्टोबर २०२४ मध्ये झालेल्या गगनगीर दहशतवादी हल्ल्यातही त्याचा सहभाग होता. अफगाण आणि जिब्रान हे लष्कर-ए-तोयबाशी देखील संबंधित होते.
“पहलगाममधील बैसरन कुरणात आमच्या नागरिकांना मारणारे तीन दहशतवादी मारले गेले आहेत, २२ एप्रिल रोजी पहलगाममधील बैसरन कुरणात दहशतवाद्यांनी गोळीबार केला तेव्हा २६ नागरिक, त्यापैकी बहुतेक पर्यटक होते, ठार झाले.
केंद्रीय गृह मंत्री अमित शाह म्हणाले की, बॅलिस्टिक आणि फॉरेन्सिक अहवाल आणि हल्ल्याच्या एक दिवस आधी त्यांना आश्रय देणाऱ्या दोन व्यक्तींसह चार साक्षीदारांच्या साक्षींद्वारे दहशतवाद्यांची ओळख आणि सहभागाची पुष्टी करण्यात आली.
अमित शाह पुढे म्हणाले की, दोन दहशतवाद्यांकडून पाकिस्तानी मतदार ओळखपत्रे आणि पाकिस्तानमध्ये बनवलेले चॉकलेट जप्त करण्यात आले आहेत.
अमित शाह म्हणाले की, त्यांच्या मृतदेहांसोबत दोन एके-४७ रायफल आणि एक एम४ कार्बाइन रायफल जप्त करण्यात आली आहे. बैसरन (पहलगाम) कुरणातून जप्त केलेले वापरलेले काडतुसे काल ऑपरेशन महादेव दरम्यान जप्त केलेल्या शस्त्रांशी जुळत होते. ही शस्त्रे काल रात्री चंदीगड फॉरेन्सिक प्रयोगशाळेत नेण्यात आली. आज सकाळी ५ वाजता माझा सहा बॅलिस्टिक तज्ञांशी व्हिडिओ कॉल झाला; त्यांनी पहलगाममध्ये या शस्त्रांचा वापर केल्याची पुष्टी केली, असेही यावेळी सांगितले.
पुढे बोलताना अमित शाह म्हणाले की, दाचिगाममध्ये दहशतवाद्यांच्या उपस्थितीबद्दलची पहिली गुप्तचर माहिती २२ मे रोजी मिळाली. २२ मे रोजी दाचिगाममध्ये दहशतवाद्यांच्या उपस्थितीबद्दल आयबीला मानवी गुप्तचर माहिती मिळाली. आमच्या एजन्सींनी विकसित केलेल्या उपकरणांचा वापर करून, २२ मे ते २२ जुलै दरम्यान संप्रेषण सिग्नल ट्रॅक केले गेले. आयबी आणि लष्कराने सिग्नल पकडण्यासाठी पायी गस्त घातली आणि २२ जुलै रोजी सेन्सर्सच्या मदतीने आम्हाला पुष्टी मिळाली. लष्कराच्या ४ पॅरा युनिटने सीआरपीएफ आणि जम्मू-काश्मीर पोलिसांसह दहशतवाद्यांना घेरले. पाच मानवी मालमत्ता देखील तैनात करण्यात आल्या आणि निष्पाप नागरिकांना मारण्यासाठी जबाबदार असलेल्या तीन दहशतवाद्यांना निष्क्रिय करण्यात आल्याचे सांगितले.
हल्ल्यापूर्वी दहशतवाद्यांना आश्रय दिल्याच्या आरोपाखाली राष्ट्रीय तपास संस्थेने (एनआयए) यापूर्वी दोन व्यक्तींना अटक केली होती.
अमित शाह पुढे बोलताना म्हणाले की, एनआयएने २१ एप्रिल रोजी रात्री ८ वाजता बैसरन कुरणापासून दोन किलोमीटर अंतरावर असलेल्या त्यांच्या ढोक (झोपडी) मध्ये त्यांना अन्न पुरवणाऱ्या बशीर आणि परवेझ या दोन आरोपींना अटक केली आहे. त्यापैकी दोघांनी काळे कपडे घातले होते; त्यांनी चहा आणि जेवण घेतले आणि निघून जाताना काही मसाले घेतले, असेही यावेळी सांगितले.
शेवटी बोलताना अमित शाह पुढे म्हणाले की, तपासाचा भाग म्हणून एनआयएने १,०५५ व्यक्तींच्या ३,००० तासांहून अधिक मुलाखती नोंदवल्या आहेत, ज्यात पीडित, त्यांचे कुटुंबीय, पोनी रायडर्स, छायाचित्रकार आणि त्या भागात काम करणारे इतर लोक समाविष्ट आहेत.
