Marathi e-Batmya
Related Articles
मुकेश अंबानी यांच्या नेतृत्वाखालील रिलायन्स इंडस्ट्रीज लिमिटेड (RIL), टाटा समूह आणि अदर पूनावाला यांच्या नेतृत्वाखालील सीरम इन्स्टिट्यूट ऑफ इंडिया (SII) यांना २०२४ साठी टाईम TIME मासिकाने जगातील सर्वात प्रभावशाली कंपन्या म्हणून ओळखले आहे. रिलायन्सचे नाव, हे टाईम TIME च्या १०० सूचीमध्ये दुसऱ्यांदा समावेश करण्यात आला आहे.
लीडर्स, डिसप्टर्स, इनोव्हेटर्स, टायटन्स आणि पायोनियर्स अशा विविध श्रेणींमध्ये शीर्ष १०० कंपन्यांचे वर्गीकरण करणाऱ्या टाईम TIME च्या वार्षिक यादीमध्ये तीन भारतीय कंपन्यांचा समावेश आहे: रिलायन्स इंडस्ट्रीज, सीरम इन्स्टिट्यूट ऑफ इंडिया आणि टाटा समूह कंपनीचा. रिलायन्स आणि टाटा समूहाला टायटन्स श्रेणीत स्थान देण्यात आले आहे, तर सीरम इन्स्टिट्यूट ऑफ इंडियाची पायोनियर श्रेणीसाठी निवड करण्यात आली आहे.
टाईम TIME मासिकाने रिलायन्स इंडस्ट्रीजचे वर्णन “भारताचा जुगरनॉट” असे केले आहे, ज्याचे ५८ वर्षांपूर्वी धीरूभाई अंबानी यांनी स्थापन केलेल्या कापड आणि पॉलिस्टर कंपनीपासून भारतातील सर्वात महत्वाच्या कंपनीमध्ये परिवर्तीत करण्यावर भर दिला आहे, ज्याचे बाजार भांडवल $२०० अब्ज पेक्षा जास्त आहे.
टाईम TIME ने रिलायन्सची ओळख करून देताना, रिलायन्स-डिस्नेच्या महत्त्वपूर्ण करारावर प्रकाश टाकला, असे नमूद केले की $८.५ अब्ज करारामुळे भारताच्या वेगाने वाढणाऱ्या स्ट्रीमिंग आणि ओटीटी OTT मार्केटमध्ये रिलायन्सचे स्थान आणखी सशक्त होणार आहे.
रिलायन्स व्यतिरिक्त, टाईम TIME ने सीरम इन्स्टिट्यूट ऑफ इंडियाला जगातील सर्वात मोठी लस उत्पादक कंपनी म्हणून मान्यता दिली आहे, जी दरवर्षी ३.५ अब्ज डोस तयार करते आणि कोविड-19 महामारी दरम्यान लाखो लोकांचे जीव वाचवण्यात महत्त्वपूर्ण भूमिका बजावली आहे.
टाटा समूहाबाबत, टाईम TIME ने सांगितले की, “टाटा समूह ही भारतातील सर्वात जुन्या कंपन्यांपैकी एक आहे. तिचा विशाल पोर्टफोलिओ स्टील, सॉफ्टवेअर, घड्याळे, पाणबुडी केबल्स आणि रसायनांपासून ते मीठ, तृणधान्ये, एअर कंडिशनर्स, फॅशन आणि हॉटेल्सपर्यंत पसरलेला आहे. यामध्ये गुंतवणूक करून टेक मॅन्युफॅक्चरिंग, एआय आणि सेमीकंडक्टर चिप्स, २०२३ मध्ये, ही आयफोन एकत्र करणारी पहिली भारतीय कंपनी बनली आहे.
टाईम TIME ची १०० सर्वाधिक प्रभावशाली कंपन्यांची चौथी वार्षिक यादी जाहिर करताना जागतिक स्तरावर असाधारण प्रभाव पाडणारे व्यवसायिक कंपन्यांची निवड केली आहे. निवड प्रक्रियेमध्ये विविध क्षेत्रांतील नामांकन, टाईम TIME च्या योगदानकर्त्यांचे जागतिक नेटवर्क, वार्ताहर आणि बाहेरील तज्ञांचे इनपुट आणि प्रभाव, नवकल्पना, महत्त्वाकांक्षा आणि यश यावर आधारित मूल्यमापन यांचा समावेश करण्यात आला आहे.
पूर्ण TIME 100 कंपन्यांची यादी १० जून २०२४, टाईम TIME च्या अंकात प्रदर्शित केली जाईल, शुक्रवार, ३१ मे पासून वृत्तपत्र स्टँडवर उपलब्ध राहणार आहे.
