राज्यपालांबाबतचे अजित पवारांचे ते वक्तव्य अखेर खरे ठरले… अमित शाह आणि नरेंद्र मोदी मला पदमुक्त करत नाहीत

Related Articles

संजय राऊत म्हणाले की, खरातावरील कारवाई कौतुकास्पद, आता चाकणकरांवर कारवाई करा शिवसेना उबाठाचे संजय राऊत यांनी केली मागणी

14 hours ago

सुषमा अंधारे यांचा सवाल, एकनाथ शिंदेच्या फोनचे सीडीआर तपासण्याची हिंमत गृहमंत्री दाखवणार का? भोंदू बाबा खरात प्रकऱणावरून सुषमा अंधारे यांचा सवाल

15 hours ago

तुषार गांधी यांचे आवाहन, रा. स्व. संघाच्या विचाराला महाडच्या ऐतिहासिक भूमितच गाडून टाका छत्रपती शिवाजी महाराज व महामानव डॅा. बाबासाहेब आंबेडकर या महापुरुषांना जातीच्या चौकटीत बंद करू नका: उल्का महाजन

15 hours ago

काही महिन्यांपूर्वी औरंगाबाद येथील डॉ.बाबासाहेब आंबेडकर मराठवाडा विद्यापाठीकडून केंद्रीय मंत्री नितीन गडकरी आणि राष्ट्रवादी काँग्रेसचे सर्वेसर्वा शरद पवार यांना डि.लीट पदवीने सन्मानित करण्यात आले. यावेळी झालेल्या कार्यक्रमात राज्यपाल भगतसिंग कोश्यारी यांनी आपल्या भाषणात महाराष्ट्राचे आराध्य दैवत छत्रपती शिवाजी महाराज यांची तुलना नितीन गडकरी यांच्याशी केली. त्यावरून वाद निर्माण झाला. त्यावेळी राष्ट्रवादी काँग्रेसचे नेते तथा विधानसभेचे विरोधी पक्षनेते अजित पवार यांनी सांगितले की, राज्यपाल कोश्यारी हे महाराष्ट्राचे राज्यपाल म्हणून राहण्यास इच्छुक नसून हे पद सोडण्याची इच्छा आपल्याशी बोलताना दिल्याची माहिती अजित पवार यांनी दिली.

अखेर अजित पवार यांनी जाहिर केलेल्या त्या माहितीची कबुलीच राज्यपालांनी आपल्या अधिकृत ट्विटर हँडलवरून आज दिली. त्यामुळे अजित पवार यांचे ते वक्तव्य खरे ठरल्याचे बोलले जात आहे.

त्यावेळी बोलताना अजित पवार यांनी सांगितले होते, राज्यपाल भगतसिंग कोश्यारी यांना महाराष्ट्राच्या राज्यपाल पदी रहायचे नसल्याने ते त्याबाबतची विनंती सातत्याने केंद्रीय गृहमंत्री अमित शाह आणि पंतप्रधान नरेंद्र मोदी यांच्याकडे करत आले. मात्र अमित शाह आणि नरेंद्र मोदी हे आपल्याला पद मुक्त करत नसल्याचेही राज्यपालांनी आपल्याला सांगितल्याचे अजित पवार यांनी स्पष्ट केले होते.

अजित पवारांनी राज्यपालांबाबत दिलेल्या माहितीची हीच ती बातमीः-https://marathiebatmya.com/political/opposition-leader-ajit-pawar-revelled-discussion-with-the-governor-koshyari-why-the-governor-repeatedly-talks-like-this-acts-like-this-and-why-remains-silent-about-the-ruling-party-is-a-puzzle-for-mah/

कदाचित त्यामुळेच राज्यपाल कोश्यारी हे जाणीवपूर्वक महापुरूषांबद्दल वक्तव्य केले असावे अशी शक्यताही अजित पवार यांनी व्यक्त केली होती.

त्यानुसार राज्यपाल भगतसिग कोश्यारी यांनी आज ट्विटरद्वारे आणि राजभवनाने जारी केलेल्या प्रसिध्दी पत्रकान्वये अजित पवारांनी दिलेली माहितीच पुन्हा उद्कृत केल्याने अजित पवार यांच्या तेव्हाच्या वक्तव्यांना एकप्रकारे पुष्टी मिळत आहे.

माननीय पंतप्रधानांच्या नुकत्याच झालेल्या मुंबई दौऱ्यात आपण राजकीय जबाबदाऱ्यांमधून मुक्त होऊन जीवनातील उर्वरित काळ अध्ययन, मनन व चिंतनात व्यतीत करण्याची इच्छा व्यक्त केली आहे.

— Governor of Maharashtra (@maha_governor) January 23, 2023