Marathi e-Batmya
Related Articles
बीड जिल्ह्यातील मस्साजोगचे सरपंच संतोष देशमुख यांच्या हत्येला जवळपास २० दिवस झाले. तरीही पोलिसांकडून अद्याप कोणालाही अटक झाली नाही. मात्र या निर्घुण हत्येमुळे संपूर्ण महाराष्ट्र हादरला. त्यातच या प्रणातील संशयित आरोपी म्हणून मंत्री धनंजय मुंडे यांचे विश्वासू सहकारी वाल्मिकी कराड याचे नाव पुढे येत असून वाल्मिकी कराडला धनंजय मुंडे यांचे संरक्षण असल्याचे बोलले जात आहे. या पार्श्वभूमीवर बीडमधील सर्वपक्षियांच्यावतीने संतोष देशमुख मारेकऱ्यांना अटक करावी आणि न्याय मिळावा या मागणीसाठी मोर्चाही काढण्यात आला होता. या मोर्चात सहभागी होण्यासाठी ठाण्यातून राष्ट्रवादी शरद पवार यांच्या पक्षाचे जितेंद्र आव्हाड हे ही गेले होते.
दरम्यान, जितेंद्र आव्हाड यांनी एका व्यक्तीशी व्हॉट्स अॅप चॅट केल्याचा स्क्रिन शॉट व्हायरल होत असून या स्क्रिन शॉटच्या विरोधात पोलिसांत तक्रार दाखल केली.
जितेंद्र आव्हाड यांच्या या स्क्रिन शॉटच्या अनुशंगाने अजित पवार यांच्या पक्षाच्या रूपाली ठोंबरे यांनी जितेंद्र आव्हाड यांच्यावर टीका करताना म्हणाल्या की, जितेंद्र आव्हाड नेमके कशासाठी गेले होते, न्याय द्यायला की आग लावायला असा गंभीर आरोप करत तो स्क्रिनशॉट ट्विट्वर शेअर केला आहे.
सरपंच देशमुख हत्या प्रकरणात कुटुंबाला न्याय देण्यासाठी आले होते की आग लावण्यासाठी सांगून टाका जितेंद्र भाऊ आव्हाड.
उत्तर दया जितेंद्र भाऊ@Awhadspeaks
माहितीसाठी –@Dev_Fadnavis @AjitPawarSpeaks @mieknathshinde @DGPMaharashtra pic.twitter.com/3ANGzS6lI1— Rupali patil thombare (@Rupalispeak) December 28, 2024
या व्हॉट्स अॅप चॅटवर आमदार जितेंद्र आव्हाड यांनी काही प्रश्न उपस्थित करत म्हणाले की, मोर्चातील भाषण संपल्यानंतर तो व्हॅट्सअॅप चॅटचा स्क्रिन शॉट कसा बाहेर आला असा सवाल करत मग सकाळी का तो बाहेर आला नाही असा प्रश्नही यावेळी केला.
यापार्श्वभूमीवर बोलताना जितेंद्र आव्हाड म्हणाले की, मी शनिवारी स्वतः पोलिस ठाण्यात जाऊन यासंदर्भात तक्रार केली आहे. आता फक्त बीडच्या पोलिसांना विनंती आहे की त्यांनी पुढील कारवाई करावी अशी मागणी करत माझं भाषण संपल्या संपल्याच तो स्क्रिनशॉट बाहेर कसा आला, सकाळी का नाही आला, भाषणानंतर अचानक कसा येतो अशी प्रश्नांची सरबतीही केली.
माझा खोटा वाॅटसॲप चॅटचा वायरल करणाऱ्यांविरुद्ध काल रात्री मी बीडमधील शिवाजी नगर पोलीस ठाण्यात रितसर गुन्हा (एफआयआर) दाखल केला. कर नाही और डर कशाला?
फक्त अपेक्षा एवढीच आहे की, हा वाॅटसॲप चॅटचा स्क्रीनशॉट कसा खोटा (माॅर्फ केलेला ) आहे, याची संपूर्ण माहाती मी ट्वीटद्वारे (एक्स… pic.twitter.com/HCimCzXnDY— Dr.Jitendra Awhad (@Awhadspeaks) December 29, 2024
दरम्यान, पत्रकार परिषदेत बोलताना जितेंद्र आव्हाड म्हणाले की, मला कालपासून धमक्यांचे मेसेज येत आहेत. मला आताही एक मेसेज आला असून अतिशय अर्वाच्य आणि घाणेरडा शिवीगाळ करणारा तो मेसेज आहे. तसेच त्यात मला जीवे मारण्याची धमकीही देण्यात आली आहे. यावरून अजून मस्ती गेलेली नाही. हा मेसेज मी थेट पोलिसांना पाठविणार आहे. कुठेही यंत्रणेची भीती राहिलेली नाही. मग काय तर द्या धमकी, परंतु मी असा घाबरणारा आमदार नाही, मला शिव्या दिल्या तरी मी माझ्या मुद्यावरून बाजूला होणार नाही. ही लढाई माणूसकीची असल्याचेही यावेळी सांगितले.
माझा खोटा वाॅटसॲप चॅट वायरल करणाऱ्यांची घाणेरडी मानसिकता कशी स्पष्ट झाली आहे ते बघा…
१) माझ्या वाॅटसॲप डीपीवर माझा फोटो नसून डाॅ. बाबासाहेब आंबेडकर यांचा आहे. ज्यावेळेस संसदेत अमित शहा यांनी बाबासाहेब आंबेडकर यांच्याबद्दल ,"आंबेडकर आंबेडकर हे फॅशन झाले आहे", असे अनुद्गार काढले.… pic.twitter.com/kdU2idECdH— Dr.Jitendra Awhad (@Awhadspeaks) December 28, 2024
