Marathi e-Batmya
Related Articles
मुंबई: प्रतिनिधी
आपण स्मार्टफोन, ई-मेल, सोशल मीडिया, इंटरनेट बँकिंग आदींसाठी पासवर्डचा वापर करतो. खूप पासवर्ड असल्यामुळे आपण सोपे पासवर्ड तयार करतो. या पासवर्डबाबतच रंजक गोष्टी समोर आल्या आहेत.
अनेक लोक ‘123456’ सारखे पासवर्ड सर्वात जास्त वापरतात असं अनेकदा ऐकायला मिळतं. पण असं अजिबात होत नाही. भारतात सर्वात लोकप्रिय पासवर्ड ‘password’ शब्दच असल्याचे एका संशोधनातून समोर आले आहे. मनोरंजक गोष्ट म्हणजे जपान हा असा देश आहे, जो तंत्रज्ञानाच्या बाबतीत भारतापासून एक पाऊल दूर आहे, परंतु पासवर्डच्या बाबतीत भारताच्या बरोबरीचा आहे.
देशातील लोकांकडून सर्वाधिक वापरल्या जाणार्या पासवर्डमध्ये ‘iloveyou’, krishna’, ‘sairam’आणि ‘omsairam’ यांचा समावेश आहे. नॉर्डपासच्या संशोधनात ही बाब समोर आली आहे. ही वेबसाइट वापरकर्त्यांना पासवर्ड मॅनेज करण्यास मदत करते. भारतातील स्त्री आणि पुरुष दोघांमध्ये प्रेमाची नावे आणि शब्द खूप लोकप्रिय आहेत. त्याच वेळी इतर प्रकारच्या पासवर्डमध्ये 123456789, 12345678, india123, qwerty, abc123, xxx, Indya123, 1qaz@WSX, 123123, abcd1234 आणि 1qaz यांचा समावेश होतो.
रोमँटिक शब्दाचे पासवर्ड महिलांमध्ये लोकप्रिय
देशातील पुरुष आणि स्त्रिया दोघांमध्येही नेम पासवर्ड खूप लोकप्रिय आहेत. त्यात ‘प्रियांका’, ‘संजय’, ‘राकेश’ या नावांचा समावेश आहे. ‘iloveyou’, ‘sweetheart’, ‘lovely’, ‘sunshine’ यांसारख्या पासवर्डसाठी इंग्रजीतील प्रेम शब्द देखील सामान्य आहेत, विशेषतः हे पासवर्ड स्त्रियांमध्ये अधिक लोकप्रिय आहेत.
असे पासवर्ड सेकंदात हॅक
सर्वात लोकप्रिय पासवर्ड हॅक करणे सर्वात सोपे असल्याचे संशोधनातून समोर आले आहे. भारतात २०० पैकी ६२ पासवर्ड असे आहेत जे एका सेकंदापेक्षा कमी वेळात हॅक केले जाऊ शकतात.
Gmail ते बँक आणि UPI व्यवहारांसाठी किमान एक पासवर्ड आवश्यक आहे. वापरकर्त्याला किमान १२ ते १८ पासवर्ड लक्षात ठेवावे लागतात. म्हणूनच बहुतेक लोक पासवर्ड सोपे करतात. ते लक्षात ठेवले जातात. मात्र, यामुळे पासवर्ड हॅक होण्याची शक्यता वाढते.
सुरक्षित पासवर्ड बनवताना या गोष्टी लक्षात ठेवा
– पासवर्डमध्ये किमान १० ते १५ अक्षरांचा वापर करा.
– त्यात अल्फाबेटसह संख्या देखील वापरा.
– पासवर्डमध्ये एक अल्फाबेट कॅपिटल ठेवा.
– @ # $ % ^ आणि * ही विशेष कॅरेक्टर देखील वापरा.
– तुमचा पासवर्ड वेळोवेळी बदलत राहा.
– शक्य असेल तिथे OTP ने पासवर्ड देखील सुरक्षित करा.
पासवर्ड बनवताना या चुका टाळा
– साध्या शब्दांनी पासवर्ड बनवू नका.
– पासवर्डमध्ये ८ पेक्षा कमी कॅरेक्टर वापरू नका.
– पासवर्डमध्ये तुमचे नाव, जन्मतारीख वापरू नका.
– तुमच्या युजरनेमला पासवर्डही बनवू नका.
– कोणालाही विचारून पासवर्ड कधीही तयार करू नका.
