दिल्ली कोचिंग सेंटर पूर घटनाः आयएएसची तयारी करणाऱ्या तिघांचा मृत्यू पोलिसांकडून गुन्हा दाखल

दिल्लीतील एका कोचिंग सेंटरच्या तळघरात पाणी शिरल्याने झालेल्या दुर्घटनेत राज्यात तीन आयएएसची तयारी करणाऱ्या मुलांना प्राणास मुकावे लागले. त्यामुळे कोचींग सेंटर्सच्या विद्यार्थ्यांनी मोठ्या प्रमाणावर निदर्शने करण्यास सुरुवात केली आहे. तसेच याप्रकरणाची जबाबदारी कोणावर तरी निश्चित करण्याची मागणी करण्यात येत आहे. सदर घटनेप्रकरणी पोलिसांनी एफआयआर नोंदवला असून कोचिंग सेंट्रच्या मालकासह अन्य काही जणांना अटक करण्यात आली असल्याचे सांगण्यात येत आहे.

राजिंदर नगर कोचिंग सेंटरच्या पुराच्या घटनेची चौकशी करण्यासाठी अनेक पथके तयार केली आहेत ज्यात तीन आयएएस उमेदवारांचा मृत्यू झाला आहे, असे अधिकाऱ्यांनी २८ जुलै रोजी सांगितले.

संपूर्ण घटनेच्या तपासासाठी अनेक पथके तयार करण्यात आली आहेत. एका वरिष्ठ पोलीस अधिकाऱ्याने सांगितले की, आम्ही दिल्ली अग्निशमन सेवांना इमारती आणि तळघर विषयी अहवाल देण्यास सांगितले आहे. ज्या कोचिंग सेंटरच्या तळघरात पाणी शिरल्याने ही घटना घडली, त्या इमारतीच्या तळघरात लायब्रेरी सुरु करण्यात आली होती. या लायब्रेरीत बसून काही विद्यार्थी अभ्यास करत होते. वास्तविक पाहता तळघरातील ती जागा स्टोअर रूम होती. मात्र त्याचे रूंपातर कोणत्याही परवानगी विना लायब्रेरित करण्यात आले होते.

या भागातील एका कोचिंग सेंटरमध्ये तीन नागरी सेवा इच्छुकांच्या मृत्यूसाठी जबाबदार असलेल्यांवर कारवाई करावी आणि त्यांच्या कुटुंबीयांना नुकसान भरपाई मिळावी, या मागणीसाठी रविवारी दिल्लीतील ओल्ड राजिंदर नगर येथे निदर्शने केल्यानंतर काही विद्यार्थ्यांना ताब्यात घेण्यात आले.

उत्तर प्रदेशातील आंबेडकर नगर येथील श्रेया यादव, तेलंगणातील तान्या सोनी आणि केरळमधील एर्नाकुलम येथील नवीन डाल्विन यांचा कोचिंग सेंटर राऊच्या आयएएस स्टडी सर्कलच्या इमारतीच्या तळघरात पाणी शिरल्याने त्या तळघरात पुर स्थिती निर्माण झाल्याने त्या तिघांचा मृत्यू झाला. पोलिसांनी कोचिंग सेंटरच्या मालकाला आणि समन्वयकाला अटक केली. पोलिसांनी त्यांच्यावर अन्य गुन्ह्यांसह निर्दोष हत्येचा गुन्हा दाखल केला आहे.