Marathi e-Batmya
Related Articles
इराणने इस्त्रायलवर क्षेपणास्त्र डागल्यानंतर इस्त्रायलनेही लेबलॉनमधील हिजबुल्लाहच्या ठिकाणावर हल्ले वाढवित हिजबुल्लाहला नामोहरण करण्याचा प्रयत्न केला. त्याचबरोबर प्रथमच उत्तरेकडील पॅलेस्टिनी निर्वासित छावणीवर हल्ला केला कारण त्याने हिजबुल्ला आणि हमास या दोघांनाही लक्ष्य केले. दरम्यान लेबनॉनची राजधानी या बॉम्ब हल्ल्याने चांगलीच हादरून गेली.
सुमारे ४०,००० पॅलेस्टिनी समर्थक निदर्शकांनी मध्य लंडनमधून मोर्चा काढला तर हजारो पॅरिस, रोम, मनिला, केपटाऊन आणि न्यूयॉर्क शहरातही जमले. गाझा आणि लेबनॉनमधील लष्करी मोहिमांमध्ये अमेरिकेने दिलेल्या पाठिंब्याच्या विरोधात वॉशिंग्टनमधील व्हाईट हाऊसजवळही अमेरिकेने दिलेल्या पाठिंब्याच्या निषेधार्थ निदर्शने करण्यात आली,
पॅलेस्टिनी निर्वासितांसह लेबनॉनमधील हजारो लोक या प्रदेशातील वाढत्या संघर्षातून पळ काढत आहेत. तर गाझामधील युद्ध सुरू झाल्याच्या वर्धापन दिनानिमित्त जगभरात रॅली काढण्यात आल्या.
मध्यरात्री लेबनॉनमध्ये जोरदार स्फोट सुरू झाले आणि इस्त्रायलच्या सैन्याने बेरूतच्या दक्षिणेकडील काठावरील शिया बहुल उपनगरातील दहियाहमधील रहिवाशांना तो भाग रिकामे करण्याचे आवाहन केले. त्यानंतर इस्त्रायलने आपले हल्ले अधिक तीव्र करत रविवारीही हे हल्ले असेच सुरु ठेवले.
इस्रायलच्या सैन्याने दुजोरा दिला की ते बेरूतजवळील लक्ष्यांवर हल्ला करत होते आणि लेबनॉनमधून सुमारे ३० प्रक्षेपक इस्रायलच्या हद्दीत गेले होते, त्यातील काहींना रोखले गेले.
इस्रायल समर्थक आणि पॅलेस्टिनी समर्थक गाझामधील युद्धाच्या पहिल्या वर्धापन दिनानिमित्त रस्त्यावर उतरल्याबद्दल जर्मन चॅन्सलर ओलाफ स्कोल्झ यांनी रविवारी वाढत्या सेमेटिझम विरोधात इशारा दिला.
“जर्मनीतील ज्यू नागरिकांना भीती आणि दहशतीमध्ये जगावे लागेल असे कधीही होऊ नये,” असे स्कोल्झ यांनी एका व्हिडिओ संदेशात सांगितले आणि इस्त्राइलला बर्लिनच्या अटळ समर्थनाचा पुनरुच्चार केला.
“आम्ही सेमेटिझम आणि इस्रायलचा आंधळा द्वेष कधीही स्वीकारणार नाही. जर्मनीतील ज्यू लोकांमध्ये आमच्या राज्याची पूर्ण एकता असल्याचेही यावेळी स्पष्ट केले.
युनायटेड स्टेट्स इस्रायल आणि मध्य पूर्वेतील अरब नेत्यांवरील ओलिसांवर करार आणि गाझामध्ये युद्धविराम करण्यासाठी आपला “दबाव” कमी करणार नाही, असे उपाध्यक्ष कमला हॅरिस यांनी रविवारी प्रसिद्ध केलेल्या मुलाखतीत सांगितले.
वॉशिंग्टन इस्रायलसोबत मानवतावादी मदतीवर काम करत आहे आणि “एखाद्या कराराची गरज आहे, ज्यामुळे ओलिसांची सुटका होईल आणि युद्धविराम होईल. आणि आम्ही इस्रायलवर आणि अरब नेत्यांसह त्या प्रदेशावर दबाव आणण्याच्या दृष्टीने थांबणार नाही, असेही यावेळी कमला हॅरिस यांनी एका मुलाखतीच्या दरम्यान सांगितले.
