Marathi e-Batmya
Related Articles
भारतीय सशस्त्र दलांनी बुधवारी (७ मे, २०२५) पाकिस्तान आणि पाकव्याप्त जम्मू आणि काश्मीरमधील दहशतवादी तळांवर हल्ला करून ‘ऑपरेशन सिंदूर’ सुरू केले, असे एका सरकारी निवेदनात म्हटले आहे. “कोणत्याही पाकिस्तानी लष्करी तळांना लक्ष्य करण्यात आलेले नाही,” असे निवेदनात म्हटले आहे. तथापि, ज्या दहशतवादी तळांना लक्ष्य करण्यात आले आहे ते लष्कर-ए-तैयबा (एलईटी), जैश-ए-मोहम्मद आणि हिजबुल मुजाहिदीनसह विविध बंदी घातलेल्या संघटनांशी संबंधित आहेत, असे तपास संस्थांनी म्हटले आहे.
दरम्यान भारतीय लष्कराने मध्यरात्रीनंतर पाकिस्तानातील दहशतवाद्यांच्या ९ ठिकाणांवर हल्ले केले. हे हल्ले एकाचवेळी दहशतवाद्यांना राहण्यासाठी आणि प्रशिक्षणासाठी वापरण्यात येणाऱ्या ठिकाणांवर करण्यात आली. भारतीय लष्कराच्या हल्ल्यात ही ठिकाणी उद्धवस्त झाल्याचे सांगण्यात आले.
Justice is Served.
Jai Hind! pic.twitter.com/Aruatj6OfA
— ADG PI – INDIAN ARMY (@adgpi) May 6, 2025
“सीमापार दहशतवादी नियोजनाच्या मुळांना लक्ष्य करून पाकिस्तान आणि पाकव्याप्त जम्मू आणि काश्मीरमधील नऊ दहशतवादी तळांवर लक्ष केंद्रित हल्ले करण्यात आले,” असे संरक्षण मंत्रालयाने एक्सवर X म्हटले आहे.
पाकिस्तानी लष्कराने पूंछ आणि राजौरी येथील नियंत्रण रेषेवरील (एलओसी) गावांवर जोरदार तोफगोळ्यांचा मारा केला. अधिकाऱ्यांनी सांगितले की पूंछमधील कृष्णा घाटी, शाहपूर आणि मानकोट, राजौरी जिल्ह्यातील लाम, मंजाकोट आणि गंभीर ब्राह्मणा येथून गोळीबार झाल्याची माहिती मिळाली आहे.
ऑपरेशन सिंदूरमुळे भारताच्या उत्तरेकडील भागात व्यावसायिक उड्डाणे बंद
गृह मंत्रालयाच्या (एमएचए) निर्देशानुसार देशभरातील राज्ये बुधवारी मॉक ड्रिल करण्यासाठी सज्ज आहेत.
दरम्यान, संयुक्त राष्ट्र सुरक्षा परिषदेने बंद दाराआड झालेल्या चर्चेत भारत आणि पाकिस्तानमधील वाढत्या तणावावर चर्चा केली. तसेच भारत-पाकिस्तानया दोन्ही देशांच्या राजदूतांना तणाव कमी करण्यासाठी आणि संवाद साधण्याचे आवाहन केले. १५ सदस्यीय संयुक्त राष्ट्र सुरक्षा परिषदेने बैठकीनंतर कोणतेही निवेदन जारी केले नाही. परंतु पाकिस्तानने दावा केला की, त्यांचे स्वतःचे उद्दिष्ट “मोठ्या प्रमाणात साध्य झाले”
भारतीय लष्कराने पाकिस्तानातील दहशतवाद्यांच्या या ठिकाणांवर केले हल्ले
१. मुझफ्फराबादमधील सवाई नाला कॅम्प – हे लष्कर-ए-तैयबाचे प्रशिक्षण केंद्र होते. २० ऑक्टोबर २०२४ रोजी सोनमर्गमध्ये झालेल्या हल्ल्यात सहभागी असलेले दहशतवाद्यांना, २४ ऑक्टोबर २०२४ रोजी गुलमर्गमध्ये झालेल्या हल्ल्यात, २२ एप्रिल २०२५ रोजी पहलगाममध्ये झालेल्या हल्ल्यात सहभागी असलेल्या सर्वांना येथे प्रशिक्षण देण्यात आले होते.
२. मुझफ्फराबादमधील सय्यदना बिलाल कॅम्प – हे जैश-ए-मोहम्मदचे स्टेजिंग क्षेत्र होते. हे शस्त्रे, स्फोटके आणि जंगलातील बचाव प्रशिक्षण केंद्र देखील होते.
३. कोटलीमधील गुलपूर कॅम्प – हे जम्मूच्या राजौरी आणि पूंछ भागात सक्रिय असलेल्या लष्कर-ए-तोयबाच्या बेस कॅम्प होते. २० एप्रिल २०२३ आणि ९ जून २०२४ रोजी पूंछमध्ये येथे प्रशिक्षित दहशतवाद्यांनी हल्ले केले होते.
४. भिंबरमधील बर्नाला कॅम्प – हे शस्त्रे हाताळणी, स्फोटके आणि जंगलातील बचाव प्रशिक्षण केंद्र देखील होते.
५. कोटलीमधील अब्बास कॅम्प – येथे लष्कर-ए-तोयबाचा फिदाईन कॅम्प तयार करण्यात आला होता. त्यात १५ दहशतवाद्यांना प्रशिक्षण देण्याची क्षमता होती.
ऑपरेशन सिंदूरमधील लक्ष्यांबद्दल केंद्र सरकारने दिलेल्या माहितीनुसार, खालील ठिकाणी हल्ला करण्यात आला:
सियालकोटमधील सरजल कॅम्प – मार्च २०२५ मध्ये जम्मू-काश्मीरच्या चार पोलिस कर्मचाऱ्यांना ठार मारणाऱ्या दहशतवाद्यांनी या कॅम्पमध्ये प्रशिक्षण घेतले.
सियालकोटमधील मेहमूना जोया कॅम्प- पठाणकोट एअर फोर्स बेस कॅम्पवर हल्ला करण्याचे नियोजन आणि अंमलबजावणी याच दहशतवादी कॅम्पमधून करण्यात आली होती.
मुरीदके येथील मरकझ तैयबा कॅम्प – २००८ च्या मुंबई दहशतवादी हल्ल्यात सहभागी झालेल्या दहशतवाद्यांना येथे प्रशिक्षण देण्यात आले होते. अजमल कसाब आणि डेव्हिड हेडली यांना येथे प्रशिक्षण देण्यात आले.
बहावलपूरमधील मरकझ सुभानल्लाह – हे जैश-ए-मुहम्मदचे मुख्यालय आहे. येथे भरती, प्रशिक्षण आणि शिकवण दिली जात असे.
