Marathi e-Batmya
Related Articles
पाटणा येथील एका कार्यक्रमात बोलताना, प्रेक्षकांमधील एका व्यक्तीने पंतप्रधान नरेंद्र मोदी कुठेही जाणार नाहीत, असा आग्रह धरला असता, काँग्रेस अध्यक्ष मल्लिकार्जुन खर्गे यांनी प्रत्युत्तर दिले की, “मोदींचा बापही जाईल.”
यावेळी काँग्रेस अध्यक्ष मल्लिकार्जून खर्गे यांनी मतदानाचा अधिकार आणि राज्यघटना वाचवण्यासाठी विरोधी पक्षांच्या एकजुटीचे आवाहन केले.
पंतप्रधान नरेंद्र मोदी आणि भाजप नेतृत्वाखालील सरकारवर टीका करताना मल्लिकार्जून खर्गे यांनी आरोप केला की, हे सरकार मतदार याद्यांमध्ये फेरफार करत आहे, लोकशाही संस्थांना कमकुवत करत आहे आणि निवडणुकीचे निकाल प्रभावित करण्यासाठी निवडणूक आयोगाचा वापर करत आहे.
मोदी सरकार आणि निवडणूक आयोग संगनमताने काम करत असल्याचा आरोप करत मल्लिकार्जून खर्गे म्हणाले की, मतदार याद्यांच्या ‘विशेष सखोल पुनरीक्षण’ (Special Intensive Revision – SIR) प्रक्रियेचा वापर करून विरोधी पक्षांच्या समर्थकांची नावे वगळली जात आहेत. त्यांनी या घडामोडींना लोकशाहीसाठी धोका असल्याचे म्हटले आणि जनतेला काँग्रेसच्या नेतृत्वाखालील आंदोलनात सहभागी होण्याचे आवाहन केले.
“जर लोकांचा मतदानाचा अधिकार सुरक्षित राहिला नाही, तर देश गुलामगिरीच्या दिशेने जाईल. हा दुसरा स्वातंत्र्यलढा आहे,” असे म्हणत मल्लिकार्जून खर्गे यांनी बिहारच्या जनतेला आपले अधिकार आणि राज्यघटना वाचवण्यासाठी रस्त्यावर उतरण्याचे आवाहन केले.
लाईव: बिहार के प्रथम मुख्यमंत्री, महान स्वतंत्रता सेनानी और आधुनिक बिहार के शिल्पकार ‘बिहार केसरी’ डॉ. श्रीकृष्ण सिंह जी की 139वीं जयंती पर विशाल जनसभा
📍पटना, बिहार
https://t.co/vxALfgQLml
— Mallikarjun Kharge (@kharge) October 25, 2026
रविवारी पाटणा येथे आयोजित एका कार्यक्रमात बोलताना, प्रेक्षकांमधील एका व्यक्तीने पंतप्रधान नरेंद्र मोदी कुठेही जाणार नाहीत, असे म्हटल्यावर काँग्रेस अध्यक्ष मल्लिकार्जुन खर्गे यांचा संयम सुटला. या विधानाला उत्तर देताना खर्गे म्हणाले, “मोदींचा बापही जाईल.”
डॉ. श्री कृष्ण सिंह यांच्या १३९ व्या जयंतीनिमित्त आयोजित कार्यक्रमादरम्यान ही घटना घडली. त्यानंतर खर्गे यांनी काळा पैसा परत आणण्याच्या मोदींच्या आश्वासनावरून त्यांच्यावर टीका केली. तसेच, राष्ट्रीय स्वयंसेवक संघाच्या (RSS) विचारसरणीवरही निशाणा साधत त्यांनी म्हटले की, जोपर्यंत ही विचारसरणी अस्तित्वात आहे, तोपर्यंत देशात शांतता नांदणार नाही. त्यांच्या विधानांवर भाजप नेत्यांकडून तीव्र टीका झाली. केंद्रीय गृहमंत्री अमित शाह यांनी काँग्रेस अध्यक्षांवर आरोप केला की, त्यांनी पंतप्रधानांच्या दिवंगत वडिलांबद्दल “अशोभनीय टिप्पणी” करून सभ्यतेच्या सर्व सीमा ओलांडल्या आहेत.
मल्लिकार्जून खर्गे यांनी मोदींवर वारंवार खोटे बोलल्याचा आरोप केला आणि त्यांच्या सरकारचे पहिले १०० दिवस पूर्ण होण्यापूर्वी काळा पैसा परत आणण्याच्या आश्वासनावर प्रश्नचिन्ह उपस्थित केले. पंतप्रधान मोदींना खोटे बोलण्याची सवय आहे. सत्तेत आल्यानंतर पहिल्या १०० दिवसांत ते काळा पैसा परत आणतील. मला विचारायचे आहे की, तो पैसा कुठे आहे? असा सवालही केला.
काँग्रेस अध्यक्ष मल्लिकार्जून खर्गे म्हणाले की, राष्ट्रीय स्वयंसेवक संघावरही (RSS) निशाणा साधत आरोप केला की, संघाच्या स्थापनेपासूनच ही संघटना जातीयवादी कारवायांमध्ये गुंतलेली आहे आणि त्यांची विचारधारा शांततेच्या मार्गात अडथळा ठरत आहे.
आपल्या भाषणादरम्यान मल्लिकार्जून खर्गे यांनी असा युक्तिवाद केला की, आरएसएसची विचारधाराच जातीय तणावासाठी जबाबदार आहे. जोपर्यंत या विचारधारेचा देशावर प्रभाव राहील, तोपर्यंत शांतता प्रस्थापित होणे कठीण आहे. आज जर आपण आरएसएसबद्दल बोललो, तर लोक त्याचा वेगळा अर्थ काढू शकतात… पण, तुम्हाला लक्ष्य केले जात आहे, कारण तुम्ही तुमच्या स्थापनेपासूनच अशाच प्रकारच्या कारवायांमध्ये गुंतलेले आहात – म्हणूनच तुम्हाला लक्ष्य केले जात आहे.
मल्लिकार्जून खर्गे पुढे म्हणाले, त्यामुळे, जोपर्यंत या देशात आरएसएसची विचारधारा अस्तित्वात आहे, तोपर्यंत शांतता नांदणार नाही. आरएसएस आणि भाजपवर संविधानाच्या विरोधात विचार बाळगल्याचा, विशेषतः अस्पृश्यतेच्या मुद्द्यावर, आरोप केला. आजही आरएसएस-भाजपमध्ये असे अनेक लोक आहेत जे अस्पृश्यतेचे विचार बाळगतात आणि ज्यांची मते संविधानाच्या विरोधात आहेत असा आरोपही यावेळी केला.
मल्लिकार्जून खर्गे यांनी बिहारचे मुख्यमंत्री नितीश कुमार यांच्यावरही टीका केली. नितीश कुमार भाजपच्या नेतृत्वाखालील राष्ट्रीय लोकशाही आघाडीत (NDA) सामील झाले आहेत, जे त्यांच्या मूळ समाजवादी विचारधारेपासून दूर जाण्यासारखे आहे, असेही म्हटले.
मल्लिकार्जून खर्गे म्हणाले, “मला दुःख वाटते की, ज्या नितीश कुमार यांनी समाजवादी विचारधारेसह राजकारणात प्रवेश केला होता, ते आज भाजप आणि आरएसएसच्या मांडीवर जाऊन बसले आहेत. जेव्हा एखादी व्यक्ती कमकुवत होते आणि आपली विचारधारा सोडून देते, तेव्हा असेच घडते.” त्यांनी या संघटनांवर घटनात्मक मूल्ये आणि सामाजिक समानतेला धक्का पोहोचवल्याचा आरोप केला.
मल्लिकार्जून खर्गे यांनी उत्तराखंडमधील हल्द्वानी येथे काँग्रेसच्या रॅलींनंतर करण्यात आलेल्या एका ‘शुद्धीकरण’ विधीचाही उल्लेख केला. त्यांनी या घटनेला स्वातंत्र्यानंतर अनेक दशके उलटूनही अस्तित्वात असलेल्या ‘अस्पृश्यते’चे उदाहरण म्हटले.
मिळालेल्या माहितीनुसार, ८ ऑगस्ट २०२६ रोजी रामलीला मैदानावर काँग्रेसची रॅली पार पडल्यानंतर, एका मंदिराच्या जवळ असलेल्या मंचावर उजव्या विचारसरणीच्या गटातील काही सदस्यांनी हा ‘शुद्धीकरण’ विधी केला. या घटनेवर काँग्रेस नेत्यांनी टीका केली असून, हा प्रकार म्हणजे अस्पृश्यता पाळण्यासारखेच असल्याचे म्हटले आहे.
मल्लिकार्जून खर्गे यांनी प्रश्न उपस्थित केला, “८ ऑगस्ट २०२६ रोजी उत्तराखंडमधील हल्द्वानी येथे एका मंदिराच्या जवळ असलेल्या मंचावर शुद्धीकरण विधी करण्यात आला. स्वातंत्र्यानंतर ऐंशी वर्षांनीही जर अस्पृश्यता अस्तित्वात असेल, तर मग देशात एकता कशी नांदणार?”
मल्लिकार्जून खर्गे यांच्या विधानावर भाजप नेत्यांनी तीव्र प्रतिक्रिया दिली. त्यांनी काँग्रेसवर राजकीय सभ्यता सोडून पंतप्रधान मोदी आणि त्यांच्या कुटुंबावर वैयक्तिक टीका केल्याचा आरोप केला.
‘एक्स’ (X) वरील एका पोस्टमध्ये केंद्रीय गृहमंत्री अमित शाह यांनी म्हटले आहे की, काँग्रेस अध्यक्षांनी पंतप्रधानांच्या दिवंगत वडिलांबद्दल टिप्पणी करून सभ्यतेच्या सर्व सीमा ओलांडल्या आहेत. काँग्रेस अध्यक्ष मल्लिकार्जुन खर्गे यांनी आज पाटण्यात मोदीजींच्या वडिलांबद्दल अत्यंत असभ्य टिप्पणी करून सभ्यतेच्या सर्व सीमा ओलांडल्या आहेत. काँग्रेसने यापूर्वीही अनेकदा मोदी आणि त्यांच्या कुटुंबाबद्दल आक्षेपार्ह भाषेचा वापर केला. त्यांनी पंतप्रधानांच्या दिवंगत आईबद्दल केलेली टिप्पणी, मोदींना ‘मौत का सौदागर’ (मृत्यूचा व्यापारी) म्हणणे आणि त्यांच्या सामान्य पार्श्वभूमीची थट्टा करण्यासाठी ‘चायवाला’ या शब्दाचा वापर केल्याच्या घटनांचा उल्लेख केला.
अमित शाह यांनी असेही म्हटले की, गेल्या १२ वर्षांत वारंवार झालेल्या निवडणुकीतील पराभवांमुळे काँग्रेस पक्ष पूर्णपणे हताश आणि निराश झाला आहे. गेल्या १२ वर्षांत सततच्या निवडणुकीतील पराभवांमुळे काँग्रेस पक्ष इतका हताश आणि निराश झाला आहे की, त्यांच्याकडे आता कोणतेही धोरण किंवा मुद्दा उरलेला नाही; उरले आहे ते फक्त अपमानाचे राजकारण. हा पक्ष जनतेचा आणि स्वतःच्या कार्यकर्त्यांचाही पाठिंबा गमावत आहे. मतदारांनी मोदी आणि त्यांच्या कुटुंबाविरुद्धच्या अशा विधानांना निवडणुकीत काँग्रेसचा पराभव करून वेळोवेळी चोख प्रत्युत्तर दिले आहे.
