मुख्यमंत्री पदाची धुरा आता आतिशी यांच्याकडे; मुख्यमंत्री एकच अरविंद केजरीवाल केजरीवाल यांचा उत्तराधिकारी म्हणून आतिषी यांची मुख्यमंत्री पदासाठी निवड

दिल्लीतील कथित लीकर पॉलिसी घोटाळ्याप्रकरणी ईडी आणि सीबीआयने अटक केलेल्या अरविंद केजरीवाल यांना सर्वोच्च न्यायालयाने अखेर जामीन मंजूर केला. त्यानंतर पक्ष कार्यकर्त्यांच्या मेळाव्यात बोलताना अरविंद केजरीवाल यांनी दोन दिवसात मुख्यमंत्री पदाचा राजीनामा देणार असल्याची घोषणा केली होती. त्यानुसार अरविंद केजरीवाल यांनी त्यांचा उत्तराधिकारी म्हणून मंत्री आतिशी यांची निवड जाहीर केली. त्यानंतर काही तासांनंतर, दिल्लीच्या मंत्री आतिशी यांनी मंगळवारी सांगितले की, आम आदमी पार्टी (आप) प्रमुख अरविंद केजरीवाल यांच्या मार्गदर्शनाखाली सरकार चालविणार असून “सर्वात मोठी जबाबदारी” तिच्यावर विश्वास ठेवल्याबद्दल आभार मानले.

आम आदामी पार्टीच्या वतीने आयोजित पत्रकार परिषदेला संबोधित करताना आतिशी म्हणाल्या की, दिल्लीचे एकच मुख्यमंत्री आहेत आणि ते म्हणजे अरविंद केजरीवाल… त्यांना पुन्हा मुख्यमंत्री बनवणे हे आमचे एकमेव उद्दिष्ट असेल. सर्वप्रथम, मला इतकी मोठी जबाबदारी दिल्याबद्दल मी दिल्लीचे लाडके मुख्यमंत्री आणि माझे गुरु अरविंद केजरीवाल यांचे आभार मानू इच्छितो. मी एक सामान्य राजकारणी आहे आणि मला वाटत नाही की मी इतर कोणत्याही पक्षात असते तर मला तिकीट मिळाले असते पण केजरीवाल यांनी माझ्यावर इतका विश्वास दाखवला आहे. मी माझ्या जबाबदाऱ्या पार पाडीन, अशी ग्वाहीही यावेळी दिली.

यावेळी आतिशी यांनी भाजपावर टीका करताना म्हणाल्या की, दिल्ली लीकर पॉलिसी प्रकरणातील घोटाळ्यात भाजपावर कट रचल्याचा आणि केजरीवाल यांना सहा महिने तुरुंगात ठेवल्याचा आरोप केला.

तसेच आतिशी पुढे बोलताना म्हणाल्या की, सर्वोच्च न्यायालयाने त्यांना जामीन दिला आणि तपास यंत्रणेला पिंजऱ्यात बंदिस्त पोपट असे संबोधून केंद्राला जोरदार चपराक दिली. अरविंद केजरीवाल यांनी तुरुंगातून बाहेर आल्यानंतर जे केले ते जगात कुठेही केले नाही किंवा जगातील कोणत्याही नेत्याने केले नाही. दिल्लीतील जनतेने प्रामाणिकपणाचा दाखला दिल्यानंतरच ते मुख्यमंत्रिपदावर बसतील, असेही यावेळी सांगितले.

आतिशी पुढे बोलताना म्हणाल्या की, भाजपाच्या कट कारस्थानावर दिल्लीतील जनता चिडलेली असून केजरीवाल यांच्यासारखा प्रामाणिक नेताच लोकांना मुख्यमंत्री म्हणून हवा आहे. कारण त्यांना माहित आहे की ते मुख्यमंत्री झाल्यानंतर दिल्लीकरांना तर मोफत वीज, पाणी, महिलांना मोफत प्रवास, तीर्थयात्रा योजना अशा सर्व योजना बंद होतील, पण दिल्लीकरांना फक्त प्रामाणिक मुख्यमंत्री हवा आहे असेही यावेळी सांगितले.

शिक्षण, वित्त, कायदा, पर्यटन आणि इतर अनेक खात्यांचा पोर्टफोलिओ असलेल्या कालकाजी आमदारानेही लोकांना तिला पुष्पहार घालून उत्सव साजरा करू नका असे आवाहन करत अरविंद केजरीवाल दिल्लीचे मुख्यमंत्री म्हणून पायउतार होणार असल्याने हे आनंददायक नसल्याचेही यावेळी सांगितले.

नवीन सरकार स्थापनेचा दावा करण्यासाठी अतिशी दिल्लीचे नायब राज्यपाल व्ही के सक्सेना यांना भेटण्याची शक्यता आहे. राजीनामा देण्यासाठी केजरीवाल दुपारी ४.३० वाजता राज्यपाल सक्सेना यांचीही भेट घेणार आहेत.

नवीन मुख्यमंत्रिपदाचा प्रस्ताव नायब राज्यपाल सक्सेना यांच्याकडे पाठवल्यानंतर, ते अध्यक्ष द्रौपदी मुर्मू यांच्याकडे पाठवतील, त्यानंतर आतिशी दिल्लीचे मुख्यमंत्री म्हणून कार्यभार स्वीकारतील. शपथविधी सोहळा तीन ते चार दिवसांत होईल, असे एका सरकारी अधिकाऱ्याने सांगितले.

विधायक दल की नेता चुने जाने के बाद @AtishiAAP जी का मीडिया को सम्बोधन | LIVE https://t.co/itVxj8dvJB

— AAP (@AamAadmiParty) September 17, 2024