Marathi e-Batmya
Related Articles
संपूर्ण देशभरातील वैद्यकीय अभ्यासक्रमाला प्रवेश देण्यासाठी घेण्यात येणाऱ्या नॅशनल एलिजिबिलिटी कम एन्ट्रन्स टेस्ट अंडरग्रेजुएट (NEET-UG) २०२४ च्या परिक्षेत पेपर फुटी झाल्याची घटना घडली. तसेच या पेपर फुटीप्रकरणामुळे जवळपास १५०० हून अनेक विद्यार्थ्यांनी सर्वोच्च न्यायालयात धाव घेतली. या पार्श्वभूमीवर एनटीए अर्थात राष्ट्रीय चाचणी मंडळाकडून उत्तीर्ण झालेल्या विद्यार्थ्यांचे समुपदेशन करण्याची ग्वाही दिली. त्यानुसार या विद्यार्थ्यांसाठीच्या समुपदेशनाची सुरुवात महिन्याच्या अखेरीस सुरू होण्याची शक्यता असल्याची माहिती परिक्षा मंडळाच्या सूत्रांच्या हवाल्याने एका इंग्रजी वृत्त संकेतस्थळाने दिली.
जुलैच्या पहिल्या आठवड्यात समुपदेशन सत्र सुरू होण्याची शक्यता होती. तथापि, समुपदेशन अधिकाऱ्यांनी कोणतीही तारीख किंवा वेळापत्रक जाहिर केली नाही. काही वैद्यकीय महाविद्यालयांना परवानगी पत्र देण्याची प्रक्रिया अद्याप सुरू असून, अतिरिक्त जागांची भर पडण्याची शक्यता असल्याचेही या सूत्रांनी सांगितले.
पहिल्या फेरीतच नवीन महाविद्यालयांच्या जागा घेतल्या जातील याची खात्री झाल्यानंतरच समुपदेशनाची तारीख जाहीर केली जाईल, या महिन्याच्या शेवटी समुपदेशन प्रक्रिया सुरू होऊ शकते असे मतही यावेळी व्यक्त केले.
कथित गैरप्रकारामुळे वादग्रस्त राष्ट्रीय पात्रता कम प्रवेश परीक्षा-अंडर ग्रॅज्युएट (NEET-UG), 2024 रद्द करण्याच्या वाढत्या गदारोळात, केंद्र आणि राष्ट्रीय चाचणी एजन्सी (NTA) ने शुक्रवारी सर्वोच्च न्यायालयात सांगितले की ते कोणत्याही गैर प्रकाराशिवाय परिक्षा रद्द करण्यात आली आहे. मोठ्या प्रमाणात गोपनीयतेचा भंग केल्याचा पुरावा अद्याप आढळून आला नाही. त्यामुळे ज्या लाखो विद्यार्थ्यांनी परिक्षा दिली असून अशा प्रामाणिक विद्यार्थ्यांचे भवितव्य धोक्यात आणता येणार नाही असे सांगितले.
सर्वोच्च न्यायालयाने गेल्या महिन्यात समुपदेशन प्रक्रिया पुढे ढकलण्यास नकार दिला होता. ही प्रक्रिया दोन दिवस थांबवण्याचे निर्देश मागणाऱ्या याचिकेवर सुनावणी सुरू होती. या परिक्षेच्या माध्यमातून एमबीबीएस, बीडीएस, आयुष आणि इतर संबंधित अभ्यासक्रमांच्या प्रवेशासाठी एनईईटी-यूजी आयोजित करणारी एनटीए आणि केंद्रीय शिक्षण मंत्रालय हे कथित मोठ्या प्रमाणावर गैरप्रकार झाल्याबद्दल आणि विद्यार्थी आणि राजकीय पक्षांच्या निषेधाच्या केंद्रस्थानी आले होते.
एनईईटी-यूजी आणि पीएचडी प्रवेश NET मधील कथित अनियमिततेच्या पार्श्वभूमीवर केंद्राने सुबोध सिंग यांना एनटीए महासंचालक पदावरून हटविण्यात आले आणि याची खात्री करण्यासाठी भारतीय अंतराळ संशोधन संस्था (इस्रो) चे माजी प्रमुख आर राधाकृष्णन यांच्या नेतृत्वाखालील उच्चस्तरीय समितीची स्थापना करण्यात आली. एजन्सीमार्फत परीक्षा पारदर्शक, सुरळीत आणि निष्पक्षपणे पार पाडण्याची जबाबदारी आहे.
NEET-UG अनेक गैरप्रकारांमुळे परिक्षा पध्दतीच स्कॅनरखाली असताना, विद्यापीठ अनुदान आयोग-राष्ट्रीय पात्रता परीक्षा (UGC-NET) परीक्षेच्या अखंडतेशी तडजोड झाल्याची माहिती शिक्षण मंत्रालयाला मिळाल्यानंतर सदरची परिक्षा रद्द करण्यात आली. सध्या या दोन्ही प्रकरणांचा तपास केंद्रीय अन्वेषण विभाग (सीबीआय) करत आहे.
