नितेश राणे यांचा आरोप, बॉम्बस्फोटातील आरोपीसोबत ठाकरे गटाच्या नेत्याची पार्टी

Related Articles

महाराष्ट्र केसरी विजेता हर्षवर्धन सदगीरचे उपमुख्यमंत्री सुनेत्रा पवार यांच्याकडून अभिनंदन पै. हर्षवर्धन सदगीर यांनी महाराष्ट्र केसरी किताबासह कुस्तीप्रेमींची मने जिंकली; उपमुख्यमंत्री सुनेत्रा अजित पवार

13 hours ago

जयकुमार गोरे यांची शंभूराज देसाई यांच्यावर टीका, पालकमंत्र्यांचे ‘आकांडतांडव’ पोलिसांची ‘छळवणूक’ थांबवा

14 hours ago

मुख्यमंत्री फडणवीस यांची माहिती, महालक्ष्मी सरस महिलांसाठी बाजारपेठेचा मोठा ब्रँड महालक्ष्मी सरस मध्ये १० कोटी रुपयाची विक्री, राज्यातील ३६ जिल्ह्यात उमेद मॉल

15 hours ago

मागील काही महिन्यांपासून राज्यात शिवसेना ठाकरे गट आणि भाजपा आमदार नितेश राणे यांच्यात चांगलेच वाक् युध्द रंगलेले आहे. तसेच या दोन्ही पक्षातील नेत्यांकडून एकमेकांवर आरोप-प्रत्यारोपाच्या फैरीही झडत आहेत. तसेच विधिमंडळाच्या नागपूर येथे सुरु असलेल्या हिवाळी अधिवेशनाच्या दुसऱ्या आठवड्यात भाजपाचे आमदार नितेश राणे यांनी नाशिकमधील शिवसेना ठाकरे गटाचे नेते सुधाकर बडगुजर आणि दाऊदचा हस्तक सलीम कुत्ता यांचे संबध असल्याचा आरोप करत सलीम कुत्ता यांच्याबरोबर सुधाकर बडगुजर यांच्यासोबतचे पार्टी करतानाचे काही फोटो विधानसभेत दाखवित शिवसेना ठाकरे गटावर आरोप केला.

१९९३ चा बॉम्बस्फोटातील आरोपी दाऊद इब्राहिम चा हस्तक सलीम कुत्ता त्याच्या समवेत उद्धव बाळासाहेब ठाकरे (उबाठा) नेता पार्ट्या करतो. देशद्रोही असलेल्या आणि पॅरोलवर जेलमधून बाहेर असलेल्या सलीम कुत्ता सोबत हितसंबंध ठेवतो. या लोकांचा पॉलिटिकल गॉडफादर कोण आहे. त्याचा शोध घ्यावा. एसआयटी… pic.twitter.com/nR4VcdeBBF

— nitesh rane ( Modi ka Parivar ) (@NiteshNRane) December 15, 2023

तसेच नितेश राणे पुढे बोलताना म्हणाले की, सलिम कुत्ता हा दाऊदचा हस्तक असून मुंबईत १९९३ साली झालेल्या बॉम्बस्फोटातील आरोपी आहे. तसेच या आरोपींनी फक्त मुंबई शहरातच नाही तर शिवसेना भवनाजवळही बॉम्बस्फोट घडवून आणले. तसेच तो पॅरोलवर असताना अशा व्यक्तीसोबत शिवसेना ठाकरे गटाचा नेता सलिम कुत्ताच्या पार्टीत सहभागी होत डान्सही करतो यावरून शिवसेना ठाकरे गटाच्या नेत्यांचे दाऊदच्या हस्तकांशी खाजगी संबध होत असल्याचे स्पष्ट होत असल्याने या प्रकरणाची सखोल चौकशी करण्यात यावी अशी मागणीही केली.

राज्याचे उपमुख्यमंत्री तथा गृहमंत्री देवेंद्र फडणवीस यांनी या प्रकरणाची तात्काळ दखल घेत म्हणाले, खरं सांगायच तर सलिम कुत्ता हा दाऊद इब्राहीमचा हस्तक आहे. तसेच तो पॅरोलवर बाहेर आल्यानंतर त्याला सार्वजनिकरित्या कोणत्याही कार्यक्रमात हजर राहता येत नाही. त्याचबरोबर पार्टीलाही हजर राहता येत नाही. त्यामुळे त्या फोटोत दिसणाऱ्या प्रत्येकाची एसआयटी मार्फत कसून चौकशी करण्यात येईल आणि त्यांच्यावर कारवाई करण्यात येणार असल्याचे आश्वासनही विधानसभेला दिले.

UBT Shiv Sena leader from Nashik was found partying, dancing with Dawood’s gang member; photo of which was shown in the Legislative Assembly and issue was raised by MLAs Nitesh Rane, Dadaji Bhuse, Ashish Shelar. A detailed investigation will be done by the SIT and it will also be… pic.twitter.com/arYDwAtyP1

— Devendra Fadnavis (Modi Ka Parivar) (@Dev_Fadnavis) December 15, 2023