Marathi e-Batmya
Related Articles
महाराष्ट्रात सर्वच गोष्टी इतक्या मुबलक प्रमाणात उपलब्ध आहेत की राज्याला आरक्षणाची गरज नाही, अशी भूमिका स्पष्ट करत पैशाचे योग्य नियोजन केले तर महाराष्ट्राला आरक्षणाची गरज नाही असे स्पष्ट भूमिका मनसे प्रमुख राज ठाकरे यांनी सोलापूरमध्ये प्रसारमाध्यमांच्या प्रतिनिधींशी बोलताना व्यक्त केली.
त्यानंतर राज ठाकरेंच्या वक्तव्यानंतर सोलापूरात मराठा आंदोलकांनी त्यांच्याविरोधात घोषणाबाजी केली. मनसे प्रमुख मराठवाडा दौऱ्यावर आहेत.
राज ठाकरे पुढे बोलताना म्हणाले की, मुंबई, ठाणे किंवा इतर शहरात जसे उड्डाणपूल बांधले गेले, तसा विकास झाला. या गोष्टी का घडतात? या गोष्टी स्थानिकांसाठी केल्या जात नाहीत, बाहेरून येणाऱ्या लोकांसाठी केल्या जातात. स्वतःच्या राज्यातील बहुतेक पैसा बाहेरून आलेल्या लोकांवर खर्च होतो. एकाच जिल्ह्यात सात ते आठ महानगरपालिका असणारा ठाणे हा देशातील एकमेव जिल्हा आहे. ठाण्यात एवढ्या महानगरपालिका आहेत तर ठाण्यातील लोकांनी ही लोकसंख्या कशी वाढवली? असा सवाल करत बाहेरून येणाऱ्या लोकांचा ओघ इतका जास्त आहे की सरकार त्यांच्या व्यवस्थेवर पैसे खर्च करत असल्याचेही यावेळी सांगितले.
पुढे बोलताना राज ठाकरे म्हणाले की, रोजगाराच्या संधी उपलब्ध आहेत. मात्र तरुणांना याची जाणीव नाही. महाराष्ट्रातील नोकऱ्यांच्या जाहिराती उत्तर प्रदेश, बिहारमध्ये येतात, पण त्या इथे येत नाहीत. महाराष्ट्रातील पोरांना नोकऱ्या माहीत नाहीत. गेली अनेक वर्षे सरकार असेच चालत आहे. पहिल्यांदाच अयोध्येतील भाजपा उमेदवार म्हणाले की ४०० ओलांडली तर राज्यघटना बदलेल, मग पहिले आख्यान कोणी ठरवले? लाडला भाऊ ऐवजी लाडला बहिण, लाडला मतदार योजना करावी असा उपरोधिक टोला लगावत क्रीडा अर्थसंकल्पात सर्वाधिक निधी गुजरातकडे आहे. देशातील सर्व राज्यांना समान निधी द्यायला हवा, यात कोणतीही अडचण येणार नाही असेही यावेळी सांगितले.
राज ठाकरे यांची भूमिका समजताच मराठा आरक्षण समर्थकांनी सोलापूरातील रेस्ट हाऊस मध्ये राज ठाकरे यांच्या विरोधात घोषणाबाजी करत निदर्शने केली. तसेच काही आंदोलनकर्त्यांनी मराठा समाजाच्या आरक्षणाच्या बाजून भूमिका नाही तर राज ठाकरे यांना कोणताही सन्मान नाही अशी आंदोलकांची भूमिका असल्याचे सांगितले.
दोन जागांसाठी उमेदवार जाहीर
दरम्यान मनसेकडून आगामी विधानसभा निवडणुकीसाठी शिवडी विधानसभा मतदारसंघातून शिवसेना उबाठा गटाचे विद्यमान आमदार अजय चौधरी यांच्या विरोधात बाळा नांदगावकर यांना तर पंढरपूर विधानसभा मतदारसंघातून दिलीप धोत्रे यांना उमेदवारी जाहिर केली.
आज ५ ऑगस्ट २०२४ रोजी 'नवनिर्माण यात्रेच्या' सुरुवातीला मी सोलापुरात पत्रकारांशी संवाद साधला. त्यातील महत्वाचे मुद्दे…
१) महाराष्ट्रातील भूमिपुत्रांना नोकऱ्या मिळाल्या हव्यात यात जातीचा मुद्दा कुठे येतो. आज खाजगीकरण मोठं आहे, आणि खाजगी क्षेत्रांत मोठ्या प्रमाणावर रोजगाराच्या… pic.twitter.com/26nr796TUw
— Raj Thackeray (@RajThackeray) August 5, 2024
