Marathi e-Batmya
Related Articles
आगामी स्थानिक स्वराज्य संस्थेच्या निवडणूकीच्या पार्श्वभूमीवर सत्ताधारी पक्षांकडून पुन्हा एकदा आपपल्या मतदारांना गोंजारण्यासाठीचे निर्णय घेण्याचा सपाटा पुन्हा एकदा सुरु केला आहे. तर दुसऱ्याबाजूला मराठीच्या मुद्यावरून ठाकरे बंधुनी एकत्र यावे अशी अपेक्षा मराठी जणांकडून व्यक्त करण्यात येत होती. नेमक्या याच पार्श्वभूमीवर मनसे प्रमुख राज ठाकरे आणि शिवसेना उबाठाचे प्रमुख उद्धव ठाकरे यांनी एकत्र येण्याचे संकेत देत दोन्ही ठाकरे बंधूकडून युती करण्याचे संकेत दिले. त्यातच राज्य सरकारने हिंदी सक्तीबाबत घेतलेल्या निर्णयाच्या विरोधात या दोन्ही ठाकरे बंधूंनी सरकारच्या विरोधात भूमिका घेतली. त्यामुळे राज्य सरकारला आपला निर्णय मागे घ्यावा लागला.
शिवसेना अध्यक्ष और INDIA गठबंधन के साथी उद्धव ठाकरे जी को जन्मदिन की हार्दिक शुभकामनाएं और बधाई।
आप स्वस्थ रहें, दीर्घायु हों, और महाराष्ट्र के लोगों के हितों और अधिकारों की लड़ाई हम साथ-साथ लड़ेंगे।
— Rahul Gandhi (@RahulGandhi) July 27, 2025
त्यातच आज रविवारी २७ जुलै रोजी शिवसेना उबाठाचे प्रमुख उद्धव ठाकरे यांचा ६५ वा वाढदिवस, या वाढ दिनाचे औचित्य साधत मनसे प्रमुख तथा उद्धव ठाकरे यांचे बंधू राज ठाकरे हे मातोश्री (उद्धव ठाकरे यांचे निवासस्थान) येथे जात उद्धव ठाकरे यांचे अभिष्टचिंतन केले. यावेळी राज ठाकरे यांनी उद्धव ठाकरे यांना खास भलामोठा पुष्पगुच्छ देत शुभेच्छा दिल्या. त्यावेळी आपल्या खोलीत उद्धव ठाकरे कार्यकर्त्ये पदाधिकाऱ्यांकडून अभिष्टचिंतन स्विकारत असताना राज ठाकरे येत असल्याची माहिती मिळताच उद्धव ठाकरे हे स्वतः इमारतीच्या खाली उतरून राज ठाकरे यांचे स्वतः स्वागत केले. तसेच राज ठाकरे यांची गळाभेटही घेतली. त्यामुळे पुन्हा एकदा राज ठाकरे यांच्या मनसे आणि उद्धव ठाकरे यांच्या शिवसेना उबाठाची युती होणार असल्याच्या चर्चेने जोर धरल्याचे चित्र मातोश्री परिसरात दिसून आले.
तसेच यावेळी उद्धव ठाकरे आणि राज ठाकरे यांच्यात २० मिनिटे चर्चा झाल्याचे सांगण्यात येत आहे.
माझे मोठे बंधू, शिवसेना पक्षप्रमुख श्री. उद्धव ठाकरे यांच्या वाढदिवसानिमित्त त्यांना मातोश्री या
कै. माननीय श्री.बाळासाहेब ठाकरे यांच्या निवासस्थानी जाऊन शुभेच्छा दिल्या… pic.twitter.com/sFp2Hduubx— Raj Thackeray (@RajThackeray) July 27, 2025
बंगल्याच्या खाली भेट झाल्यानंतर दोन्ही बंधू बाळासाहेब ठाकरे यांच्या खोलीत जात गेले. तेथे राज ठाकरे यांनी बाळासाहेब ठाकरे यांच्या खुर्चीला अभिवादन केले. त्यामुळे बाळासाहेब ठाकरे यांच्या फोटोसमोर दोन्ही भावांचे मनोमिलन झाल्याचं पहायला मिळालं. त्यामुळे दोन बंधू एकत्र येत त्यांच्यात मनोमिलन झाल्याची चर्चा उपस्थितांमध्ये रंगली.
पक्षप्रमुख मा.श्री. उद्धवसाहेब ठाकरे ह्यांना वाढदिवसानिमित्त महाराष्ट्र नवनिर्माण सेनेचे अध्यक्ष सन्मा.राजसाहेब ठाकरे ह्यांनी शुभेच्छा दिल्या. pic.twitter.com/yUMly9g7x4
— ShivSena – शिवसेना Uddhav Balasaheb Thackeray (@ShivSenaUBT_) July 27, 2025
या संदर्भात उद्धव ठाकरे यांना विचारले असता ते म्हणाले की, आज मला खुप आनंद झाला आहे अशी दोन शब्दात आपली प्रतिक्रिया देत आनंद व्यक्त केला. या भेटीवेळी मनसे नेते बाळा नांदगांवकर, खासदार संजय राऊत आदी उपस्थित होते.
