स्मशानभूमीतील दहनासाठी लागणाऱ्या लाकडाच्या पुरवठ्यातही घोळ लाकडे पुरवठा करणाऱ्या कंत्राटदारास मुंबई महापालिकेची नोटीस

Related Articles

भिवंडी येथील दुर्घटनाग्रस्त इमारतीची आपत्ती व्यवस्थापन मंत्री गिरीश महाजन यांच्याकडून पाहणी मृतांच्या नातेवाईकांना प्रत्येकी ५ लाखाची मदत

2 days ago

गुलाबराव पाटील यांचे आदेश, न्हावा-शेवा टप्पा-३ पाणीपुरवठा योजनेच्या कामांना गती द्या एमएमआरडीए आणि एमएसआरडीसीने समन्वयातून तांत्रिक अडचणी तातडीने दूर कराव्यात

4 days ago

वर्षा गायकवाड यांची टीका, धर्मेंद प्रधानांचा राजीनामा अहंकाराचा पराभव सत्य व संविधानाचा विजय

1 week ago

मुंबईः प्रतिनिधी
मुंबई महानगरपालिका अंतर्गत स्मशानभूमीत मयत व्यक्तीला ३०० किलो सुकी लाकडे पुरवठा करण्यासाठी कंत्राटदारांची नेमणूक केली. मात्र या लाकडांच्या पुरवठ्यातही कंत्राटदाराने घोळ घातल्याची बाब उघडकीस आली असून संबधित पुरवठादारास पालिका प्रशासनाने नोटीस बजाविली आहे.
आरटीआय कार्यकर्ते अनिल गलगली यांच्या तक्रारीची पडताळणी केल्यानंतर पालिका प्रशासनाने मुलुंड टी वॉर्डातील कंत्राटदार के. व्ही. परुळेकर यास कारणे दाखवा नोटीस बजावली आहे.
आरटीआय कार्यकर्ते अनिल गलगली यांनी मुलुंड पश्चिम डंपिंग ग्राउंड जवळील स्मशानभूमीत ओली आणि कमी दर्जाची लाकडे पुरवठा करत असल्याची तक्रार केली होती. येथील सहायक आयुक्त के. बी. गांधी यांनी ताबडतोब कार्यवाही करण्याचे आदेश दिले.
वैद्यकीय आरोग्य अधिकारी डॉ. महेंद्र शिंगाणपूरकर यांनी कारणे दाखवा नोटीस जारी करत स्पष्ट केले आहे की तक्रार पडताळणी नंतर आपणास जबाबदार का धरु नये आणि आपला ठेका का रद्द करु नये याचे स्पष्टीकरण मागितले आहे.
नागरिकांनी तक्रार करणे आवश्यक असून पालिका प्रशासन आता अजून कठोर कार्यवाही करेल. मुंबईतील सर्व स्मशानभूमीत अशाच सावळागोंधळ सुरु असून त्या- त्या वॉर्डातील वैद्यकीय आरोग्य अधिकारी वर्गानी लक्ष ठेवणे आवश्यक असल्याचे मत आरटीआय कार्यकर्ते अनिल गलगली यांनी व्यक्त केले.