समीर वानखेडे यांना पुन्हा न्यायालयाचा दिलासा, मात्र ‘या’ अटींवर पुढील सुनावणी ८ जूनला होणार

Related Articles

पोलीस उपनिरीक्षक शारीरिक चाचणीचा सुधारित कार्यक्रम जाहीर सुधारीत कार्यक्रमानुसार १५ ते ३० एप्रिल कालावधीत होणार चाचणी

4 days ago

प्रताप सरनाईक यांचे आदेश, मीरा-भाईंदर क्षेत्रातील रिक्षा परवाने पुनर्तपासणीचे आदेश १ मेपर्यंत अहवाल सादर करण्याचे निर्देश

5 days ago

वर्षा गायकवाड यांची मागणी, मुंबईतील कोळीवाडा आणि गावठाण सीमांकनाचा निर्णय तातडीने घ्या मुंबईचा प्रश्न लोकसभेत केला उपस्थित

5 days ago

कार्डीलिया क्रुजवरील कारवाई दरम्यान सिने अभिनेता शाहरूख खान याच्या मुलगा आर्यन खान याच्यावर एनसीबीचे झोनल डायरेक्टर समीर वानखेडे यांनी कारवाई केली. मात्र या आर्यन खान याला बाहेर सोडण्यासाठी शाहरूख खानकडे मोठ्या रकमेची मागणी केल्याप्रकरणाची ठपका एनसीबीने वानखेडे यांच्यावर ठेवला. त्यानंतर भ्रष्टाचारप्रकरणी ‘एनसीबी’चे माजी संचालक समीर वानखेडे यांच्यावर सीबीआयने गुन्हा दाखल केला. याविरोधात समीर वानखेडे यांनी मुंबई उच्च न्यायालयात धाव घेतली. त्यानंतर उच्च न्यायालयाने २२ मे पर्यंत अटकेपासून संरक्षण दिले होते. मात्र त्याची मुदत आज संपत असल्याने समीर वानखेडे यांनी पुन्हा एकदा आज उच्च न्यायालयात धाव घेतली. त्यावेळी झालेल्या सुनावणी वेळी न्यायालयाने समीर वानखेडेंना अटकेपासून दिलासा दिला. याप्रकरणी आता ८ जूनला सुनावणी होणार आहे.

समीर वानखेडे यांच्याकडे ‘एनसीबी’च्या मुंबई विभागीय संचालकपदाची जबाबदारी असताना त्यांच्या पथकाने ऑक्टोबर २०२१ मध्ये मुंबईहून गोव्याला जाणाऱ्या एका क्रूझवर छापा घातला होता. या कारवाईत अभिनेता शाहरुख खानचा मुलगा आर्यन खान यालाही ताब्यात घेण्यात आले होते.

 

त्याला सोडवण्यासाठी समीर वानखेडे यांनी २५ कोटींच्या खंडणीची मागणी केल्याचा आरोप करण्यात आला आहे. या आरोपाप्रकरणी ‘एनसीबी’च्या वरिष्ठ अधिकाऱ्यांनी तपासही केला. त्यानंतर हे प्रकरण सीबीआयकडे वर्ग करण्यात आले. तपासानंतर सीबीआयने समीर वानखेडे यांच्यावर गुन्हा दाखल केला होता. त्याविरोधात समीर वानखेडे यांनी उच्च न्यायालयात धाव घेतली.

सोमवारी आज उच्च न्यायालयात याप्रकरणी सुनावणी पार पडली. तेव्हा न्यायालयाने समीर वानखेडे यांना काही अटींवर ८ जूनपर्यंत अटकेपासून दिलासा दिला आहे.

Condition

Sameer Wankhede shall not publish any material by way of WhatsApp chats or give any press statement.

Undertaking to attend investigation #BombayHighCourt #SameerWankhede#CBI #AryanKhan

— Live Law (@LiveLawIndia) May 22, 2023

यावेळी उच्च न्यायालयाने सुणावनीवेळी समीर वानखेडे यांना निर्देश दिले की, प्रकरणाशी संबंधित पुरावे माध्यमांना उपलब्ध करून देऊ नये. अन्यथा सीबीआयने कारवाई करावी, तसेच तपासात सहकार्य आणि पुरव्यांशी छेडछाड करणार नाही. त्यावर समीर वानखेडे यांनीही तपासाशी संबंधित पुरावे माध्यमांना उपलब्ध न करून देणार नाही, अशी हमी उच्च न्यायालयात दिली.