Marathi e-Batmya
Related Articles
नवी दिल्ली आणि इस्लामाबादने युद्धबंदी जाहीर केल्यानंतर दुसऱ्याच दिवशी, पहलगाममध्ये पाकिस्तान समर्थित दहशतवाद्यांनी केलेल्या भ्याड हल्ल्याविरुद्ध प्रत्युत्तर म्हणून सुरू केलेले ऑपरेशन सिंदूर अजूनही सुरू असल्याचे भारतीय हवाई दलाने अर्थात इंडियन एअरफोर्सने (IAF) रविवारी सांगितले.
इंडियन एअरफोर्सने एक्सवर एक पोस्ट करत म्हणाले की, ऑपरेशन्स अजूनही सुरू असल्याने, योग्य वेळी सविस्तर माहिती दिली जाईल. भारतीय हवाई दल सर्वांना अटकळ आणि असत्यापित माहिती प्रसारित करण्यापासून दूर राहण्याचे आवाहन करते, असे आवाहनही यावेळी केले.
भारतीय हवाई दलाने (IAF) ऑपरेशन सिंदूरमध्ये त्यांचे नेमलेले काम अचूकतेने आणि व्यावसायिकतेने यशस्वीरित्या पार पाडले आहे. राष्ट्रीय उद्दिष्टांशी सुसंगत, जाणीवपूर्वक आणि विवेकी पद्धतीने ऑपरेशन्स पार पाडण्यात आले, असे ट्विटमध्ये पुढे म्हटले आहे.
The Indian Air Force (IAF) has successfully executed its assigned tasks in Operation Sindoor, with precision and professionalism. Operations were conducted in a deliberate and discreet manner, aligned with National Objectives.
Since the Operations are still ongoing, a detailed…
— Indian Air Force (@IAF_MCC) May 11, 2025
अमेरिकेने दोन्ही अण्वस्त्रधारी राष्ट्रांमध्ये शांतता करार घडवून आणल्याचा दावा केल्यानंतर एका दिवसातच आयएएफचा हा खुलासा झाला आहे.
तथापि, पाकिस्तानने राजौरी सेक्टर आणि श्रीनगरमध्ये आंतरराष्ट्रीय सीमेवर जोरदार गोळीबार सुरू करण्यापूर्वी काही तासांसाठीच ही नाजूक युद्धबंदी टिकली होती.
अधिकाऱ्यांच्या मते, या प्रदेशात अनेक ड्रोन दिसल्यानंतर हवाई संरक्षण प्रणाली पुन्हा सक्रिय झाली होती, ज्यामध्ये भारताने लष्कराच्या मुख्यालयाजवळ किमान चार ड्रोन पाडले.
शनिवारी संध्याकाळी श्रीनगर आणि बारामुल्ला येथेही स्फोटांचे आवाज ऐकू आले, ज्यामुळे जम्मू आणि काश्मीरचे प्रमुख ओमर अब्दुल्ला विचारू लागले, “काय झाले? श्रीनगरमध्ये स्फोट ऐकू आले!!!”
आदल्या दिवशी, उत्तर प्रदेशचे मुख्यमंत्री योगी आदित्यनाथ यांनी केंद्रीय संरक्षण मंत्री राजनाथ सिंह यांच्या उपस्थितीत ऑपरेशन सिंदूरमध्ये ब्रह्मोस सुपरसॉनिक क्रूझ क्षेपणास्त्राचा वापर केल्याची पुष्टी केली.
भारताने पाकव्याप्त काश्मीर आणि पंजाब प्रांतात दहशतवादी तळांवर प्रतिहल्ला सुरू केल्यानंतर आयएएफचे ऑपरेशनल कौशल्य पूर्णतः दिसून आले. ६ आणि ७ मे च्या मध्यरात्री भारताने अचूक स्ट्राइकचा वापर करून नऊ दहशतवादी तळांना लक्ष्य केले.
