सलग तिसऱ्या दिवशी शेअर बाजारात तेजी सेन्सेक्स ६१ हजारांच्या वर, ५३३ अंकांची नोंदवली वाढ

Related Articles

अर्थमंत्री देवेंद्र फडणवीस यांचा १६ उपक्षेत्रांवर आधारित सविस्तर अर्थसंकल्प विधानसभेत अर्थसंकल्प सादर

1 day ago

अर्थसंकल्प सादर करताना मुख्यमंत्री देवेंद्र फडणवीस यांनी केल्या या घोषणा अर्थमंत्री म्हणून देवेंद्र फडणवीस यांच्याकडून केला अर्थसंकल्प सादर

1 day ago

आर्थिक सर्वेक्षणाच्या अहवालात आगामी वर्षात राज्यात ७.९% वाढ अपेक्षित दरडोई राज्य उत्पन्न ३,१७,८०१ रुपये असल्याने, महाराष्ट्र देशात पाचव्या स्थानावर

2 days ago

मराठी ई-बातम्या टीम

या आठवडय़ातील तिसऱ्या दिवशीही शेअर बाजारात तेजी कायम राहिली. मुंबई शेअर बाजाराचा निर्देशांक सेन्सेक्स ५३३ (०.८८%) अंकांनी वाढून ६१,१५० वर बंद झाला आणि राष्ट्रीय शेअर बाजाराचा निफ्टी १५६ अंकांनी (०.८७%) वाढून १८,२१२ वर बंद झाला. सेन्सेक्समधील ३० समभागांपैकी २४ समभाग वाढीसह बंद झाले, तर ६ समभाग घसरणीसह बंद झाले.

आज महिंद्रा अँड महिंद्राच्या शेअरने सर्वाधिक ४.५९ टक्क्यांनी उसळी घेतली आहे. त्याच वेळी, टायटनच्या शेअरमध्ये १.५० टक्क्यांची घसरण नोंदवली गेली आहे. पेटीएमचा शेअर ३.३५ टक्क्यांनी घसरून १,०८२ वर आला आहे. बुधवारी मार्केट कॅप २७७.१० लाख कोटी रुपयांवर गेले आहे. मंगळवारी ते २७५.२७ लाख कोटी रुपये होते. रिलायन्स इंडस्ट्रीजचे समभाग ३% च्या जवळ बंद झाले. सेन्सेक्स आज ४४८ अंकांनी वाढून ६१,०६४ वर उघडला. बुधवारी सेन्सेक्सने पहिल्या तासात ६१,२१८ चा उच्चांक आणि ६०,८५० चा नीचांक गाठला. महिंद्र अँड महिंद्रा, एअरटेल, एनटीपीसी, इंडसइंड बँक आणि सन फार्मा, एशियन पेंट्स, बजाज फायनान्स, पॉवरग्रीड, इन्फोसिस आणि आयसीआयसीआय बँक आदींचे शेअर्स वधारले. घसरलेल्या समभागांमध्ये नेस्ले आणि टीसीएसचा समावेश आहे.

सेन्सेक्समधील ५४१ समभाग अपर सर्किटमध्ये तर ३४३ लोअर सर्किटमध्ये राहिले. दुसरीकडे राष्ट्रीय शेअर बाजाराचा निफ्टी १५६ अंकांनी वाढून १८,२१२ वर बंद झाला. निफ्टी १८,१७० वर खुला होता. निफ्टीतील ५० समभागांपैकी ३५ नफ्यात राहिले, टीसीएस, सिप्ला, हिंदुस्थान युनिलिव्हर (एचयूएल), नेस्ले आणि डॉ. रेड्डी हे शेअर्स घसरले.