Marathi e-Batmya
Related Articles
२०३० पर्यंत भारत आपल्या अर्थव्यवस्थेचा आकार सहज दुप्पट करू शकेल, असे निती आयोगाचे सीईओ बीव्हीआर सुब्रह्मण्यम यांनी बुधवारी सांगितले.
पब्लिक अफेअर्स फोरम ऑफ इंडिया (PAFI) द्वारे आयोजित एका कार्यक्रमात, बीव्हीआर सुब्रह्मण्यम म्हणाले की, हवामान बदल ही भारतासाठी हवामान तंत्रज्ञानात अग्रेसर होण्याची संधी आहे. आपली अर्थव्यवस्था २०३० पर्यंत सहज दुप्पट व्हायला हवी… २०२६-२०२७ पर्यंत तिसरी सर्वात मोठी अर्थव्यवस्था बनण्याची भारताची महत्त्वाकांक्षा पूर्णत्वासाठी एक समायिक भव्य रणनीती आवश्यक असल्याचे मतही यावेळी व्यक्त केले.
पुढे बोलताना बीव्हीआर सुब्रह्मण्यम म्हणाले की, सध्या, यूएस डॉलरच्या बाबतीत, भारत ही पाचवी सर्वात मोठी अर्थव्यवस्था आहे ज्याचा आकार नाममात्र शब्दांमध्ये सुमारे $३.७ ट्रिलियन आहे. भारत हा एक मोठा वर्चस्व असलेला खेळाडू असेल, ते आधीच महत्त्वाचे आहे आणि २०४७ पर्यंत जागतिक घडामोडींमध्ये ते अधिक महत्त्वाचे ठरणार असल्याचेही सांगितले.
बीव्हीआर सुब्रह्मण्यम पुढे म्हणाले की २०४७ पर्यंत, भारत हे लोकसंख्येच्या दृष्टीने जगातील सर्वात तरुण राष्ट्रांपैकी एक असेल, ज्याचे दरडोई उत्पन्न अंदाजे $१८,००० ते $२०,००० असेल अशी शक्यताही व्यक्त केली.
पुढे बोलताना बीव्हीआर सुब्रह्मण्यम म्हणाले की, ही वाढ लक्षणीय आहे, कारण भारत एक प्रमुख जागतिक खेळाडू म्हणून उदयास येण्याची अपेक्षा आहे, नैसर्गिक आपत्ती आणि गरिबी यांसारख्या आव्हानांना तोंड देण्यासाठी गेल्या दशकात केलेल्या भरीव प्रगतीच्या आधारावर हे शक्य असल्याचे सांगत सुब्रह्यण्यम म्हणाले की, ग्रीन अर्थव्यवस्थेकडे पाहण्याची गरज आहे आणि २०७० पर्यंत निव्वळ शून्य कार्बन उत्सर्जनासाठी एक मार्ग विकसित करण्यावर आयोग काम करत आहे.
शेवटी बोलताना बीव्हीआर सुब्रह्मण्यम म्हणाले की, आम्ही एक टास्क फोर्स तयार केला आहे आणि आमचे लक्ष्य साध्य करण्यासाठी केंद्र आणि राज्य सरकारांसोबत काम करत आहोत. सरकार उत्तम धोरणे तयार करण्यासाठी विविध क्षेत्रे आणि सेवांमध्ये काम करत आहे. शहरी विकास आणि पायाभूत सुविधा महत्त्वपूर्ण आहेत, शहरे आर्थिक केंद्र म्हणून विकसित केली गेली आहेत, असा दावाही यावेळी बोलताना केला.
यावेळी बोलताना नीती आयोगाचे सीईओ बीव्हीआर सुब्रह्मण्यम यांनी, ग्लोबल व्हॅल्यू चेन्स (GVCs) वर भर देत जागतिकीकरणासाठी नेव्हिगेट करण्यासाठी पुरवठा साखळी सुधारणे आवश्यक आहे. शेवटी, राज्य पातळीवरील सुधारणा आणि सहकारी संघराज्याची बांधिलकी सर्वसमावेशक वाढ सुनिश्चित करेल, भारत जागतिक महाकाय म्हणून उदयास येईल आणि समृद्ध भविष्याकडे नेईल याविषयी आशाही यावेळी व्यक्त केली.
