Marathi e-Batmya
Related Articles
इतिहास विषयात एम ए पर्यंतचे शिक्षण घेतलेले आणि महसूल विभागाचे सचिव म्हणून काम पाहिलेले रिझर्व्ह बँकेचे माजी गव्हर्नर शक्तिकांत दास यांची रिझर्व्ह बँकेचा यशस्वीरित्या कार्यभार पूर्ण केला. त्यामुळे माजी गर्व्हनर शक्तीकांत दास यांची नियुक्ती २२ फेब्रुवारी रोजी पंतप्रधान नरेंद्र मोदी यांचे दुसरे प्रधान सचिव म्हणून करण्यात आली आहे.
शक्तीकांत दास यांची नियुक्ती पंतप्रधानांच्या कार्यकाळात किंवा पुढील आदेशापर्यंत, जे आधी असेल तोपर्यंत सह-समाप्त होईल. एसीसीच्या आदेशानुसार, ते पंतप्रधान-१ चे प्रधान सचिव डॉ. पी. के. मिश्रा यांच्यासोबत पंतप्रधानांचे पीएस अर्थात प्रायव्हेट सेक्रेटरी म्हणून काम पाहणार आहेत.
शक्तीकांत दास यांनी १० डिसेंबर रोजी आरबीआय गव्हर्नरपदाचा राजीनामा दिला, ज्यामुळे मध्यवर्ती बँकेचे २५ वे गव्हर्नर म्हणून त्यांचा सहा वर्षांचा कार्यकाळ संपला. रिझर्व्ह बँकेचे २५ वे गव्हर्नर यांनी भारताचे जी२० शेर्पा म्हणून आणि १५ व्या वित्त आयोगाचे सदस्य म्हणूनही काम पाहिले आहे.
डिसेंबर २०१८ मध्ये, ऊर्जित पटेल यांनी गर्व्हनर पदाचा तडकाफडकी राजीनामा दिला. त्यामुळे आयएएस अधिकारी शक्तीकांत दास यांची रिझर्व्ह बँकेच्या गर्व्हनर पदी नियुक्ती केंद्र सरकारने केली. २०२१ मध्ये, सरकारने शक्तीकांत दास यांना तीन वर्षांची मुदतवाढ दिली. गेल्या महिन्यातच या आरबीआय गव्हर्नरला दुसऱ्यांदा मुदतवाढ देण्यात आल्याचे वृत्त आले होते. या मुदतवाढीमुळे ते जवळजवळ ७० वर्षांमध्ये रिझर्व्ह बँकेचे सर्वात जास्त काळ सेवा देणारे प्रमुख बनले असते.
ओडिशाची राजधानी भुवनेश्वर येथील रहिवासी असलेले ६७ वर्षीय हे १९८० च्या बॅचचे तामिळनाडू कॅडरचे भारतीय प्रशासकीय सेवा (IAS) अधिकारी आहेत. त्यांच्या कारकिर्दीत त्यांनी केंद्र आणि तामिळनाडू सरकारसाठी विविध पदांवर काम केले. केंद्रात त्यांनी विविध टप्प्यांवर आर्थिक व्यवहार सचिव, महसूल सचिव आणि खते सचिव म्हणून काम केले. शक्तीकांत दास हे दिल्लीच्या प्रतिष्ठित सेंट स्टीफन कॉलेजचे पदवीधर आहेत.
