Marathi e-Batmya
Related Articles
तृणमूल काँग्रेसच्या बारासात लोकसभा मतदारसंघाच्या अध्यक्षपदाचा राजीनामा दिल्यानंतर काही दिवसांनी, ममता बॅनर्जी यांच्या निकटवर्ती आणि ज्येष्ठ खासदार काकोली घोष दस्तीदार यांनी पक्षातील सर्व संघटनात्मक पदांवरून पायउतार झाल्या. बारासात लोकसभा मतदारसंघातून चार वेळा खासदार राहिलेल्या घोष दस्तीदार यांनी मुख्यमंत्री सुवेंदू अधिकारी यांच्या अध्यक्षतेखाली झालेल्या एका महत्त्वाच्या प्रशासकीय बैठकीला हजेरी लावल्यानंतर काही तासांतच ही घडामोड घडली.
काकोली घोष दस्तीदार पुढे बोलताना म्हणाल्या की, “परंतु अत्यंत दुःख आणि चिंतेने, मी अखिल भारतीय तृणमूल महिला काँग्रेसच्या अध्यक्षपदाचा, तसेच पक्षातील इतर संघटनात्मक पदे, समित्या आणि जबाबदाऱ्यांचा राजीनामा देत आहे,” असे आपल्या राजीनामा पत्रात लिहिले आहे.
पुढे बोलताना काकोली घोष दस्तीदार म्हणाल्या की, “अशा पदावर राहण्यात काही अर्थ नाही, जिथे पक्षाच्या दुसऱ्या एका अशिक्षित, उद्धट खासदाराचे महिला खासदारासोबतचे असभ्य वर्तन थांबवता येत नाही, किंवा वरिष्ठ नेतृत्वाचे सहकार्य आणि सहानुभूती मिळवता येत नाही,” असे म्हणत त्यांनी वकील-राजकारणी आणि सेरामपूर लोकसभा मतदारसंघाचे तृणमूल खासदार कल्याण बॅनर्जी यांच्यावर स्पष्ट निशाणा साधला. तृणमूल काँग्रेसच्या निवडणुकीतील दारुण पराभवानंतर काकोली यांची जागा घेत कल्याण बॅनर्जी यांची लोकसभेत पक्षाचे मुख्य प्रतोद म्हणून पुनर्नियुक्ती करण्यात आली होती.
काकोली घोष दस्तीदार पुढे म्हणाल्या की, संसदेतील या फेरबदलाची बातमी पसरताच, काकोली यांनी एका गूढ सोशल मीडिया पोस्टद्वारे प्रतिक्रिया दिली. “मी ममता बॅनर्जी यांना १९७६ पासून ओळखते आणि १९८४ पासून एकत्र काम करत आहे. आज मला माझ्या चार दशकांच्या निष्ठेचे बक्षीस मिळाले,” असे ‘एक्स’वर लिहिले.
काकोली घोष दस्तीदार म्हणाल्या की, निवडणुकीतील पराभवाच्या पार्श्वभूमीवर हा राजीनामा तृणमूल काँग्रेसला मोठा धक्का होता, कारण काकोली यांना पक्षाच्या सर्वेसर्वा ममता बॅनर्जी यांच्या प्रमुख सहकारी मानले जात होते. एकेकाळी पक्षाचा मजबूत शहरी बालेकिल्ला मानल्या जाणाऱ्या उत्तर २४ परगणा जिल्ह्यात पक्षाच्या संघटनेवर त्यांची चांगली पकड होती.
पक्षाच्या कार्यकर्त्यांशी घनिष्ठ संबंध ठेवण्यासोबतच, काकोली घोष दस्तीदार यांनी संसदेतही आवाज उठवला आणि अनेकदा भाजपाशासित केंद्र सरकारवर टीका केली.
या ज्येष्ठ नेत्याने सर्व संघटनात्मक पदांचा राजीनामा दिला असला तरी, काकोली घोष दस्तीदार खासदारकीचा राजीनामा दिलेला नाही. याशिवाय, त्यांनी पक्ष सदस्यत्वाचाही राजीनामा दिलेला नाही. राजीनामा पत्रामुळे मोठा वाद निर्माण झाला आहे, कारण काकोली घोष दस्तीदार यांनी भ्रष्टाचाराचे आरोप आणि आर. जी. कर मेडिकल कॉलेजमधील वैद्यकीय विद्यार्थिनीवरील बलात्कार आणि हत्येच्या प्रकरणावरून पक्षावर टीका केली.
काकोली घोष दस्तीदार पुढे म्हणाल्या की, “आज माझी सद्सद्विवेकबुद्धी तीव्रतेने ढवळून निघाली आहे. रेशन भ्रष्टाचार आणि शिक्षक भरतीतील भ्रष्टाचारासह अनेक आर्थिक आणि प्रशासकीय अनियमिततांमुळे सामान्य लोकांच्या मनात तीव्र संताप आणि अविश्वास निर्माण झाला आहे. याशिवाय, आर. जी. कर मेडिकल कॉलेजमधील पीजीटी डॉक्टर अभया यांचा दुःखद मृत्यू आणि त्या घटनेभोवती संभाव्य लपवाछपवीच्या आरोपांनी संपूर्ण समाजाला वेदना आणि धक्का बसला आहे. या सर्व घटनांचा नैतिक परिणाम मी वैयक्तिकरित्या तीव्रतेने अनुभवला आहे,” असे लिहिले.
कथित आर्थिक अनियमितता आणि प्रशासनातील गैरव्यवस्थापनाबद्दल चिंता व्यक्त करणाऱ्या त्या दुसऱ्या टीएमसी नेत्या ठरल्या आहेत. त्यांच्या आधी जव्हार सरकार यांनी अशीच चिंता व्यक्त केली होती, ज्यांनी अलीकडेच एका वृत्तसंस्थेशी बोलताना दिलेल्या मुलाखतीत ‘दहशतवादाच्या राजवटी’बद्दल भाष्य केले होते.
काकोली घोष दस्तीदार पुढे म्हणाल्या की, बारासात लोकसभा मतदारसंघांतर्गत येणाऱ्या सातपैकी केवळ दोन जागा जिंकून तृणमूल काँग्रेसने निराशाजनक कामगिरी केल्याने, काकोली घोष दस्तीदार यांनी नैतिक जबाबदारी स्वीकारली. “जेव्हा कोणी एखाद्या संस्थेचे अध्यक्ष किंवा सभापती म्हणून काम करते, तेव्हा संस्थेच्या कामकाजाची आणि परिणामांची प्राथमिक जबाबदारी सहसा त्यांच्यावरच असते. मी ही जबाबदारी पार पाडण्यात अपयशी ठरले—विशेषतः, आम्ही ७ पैकी ५ विधानसभा मतदारसंघ गमावले; आणि नेमके याच कारणामुळे, नैतिकतेच्या आधारावर मी पदाचा राजीनामा दिला,” असल्याचे सांगितले.
मात्र, या ज्येष्ठ खासदाराने निवडणूक रणनीतीकार आय-पॅकवरही जोरदार टीका केली आणि बंगालमधील मोठ्या पराभवासाठी त्यांना जबाबदार धरले.
काकोली घोष दस्तीदार शेवटी म्हणाल्या की, “२०२६ च्या निवडणुकीत, प्रचार व्यवस्थापनाची जबाबदारी एका बाह्य संस्थेवर—आय-पॅकवर होती. आमच्यासारख्या अनेक निवडणुका लढवलेल्या व्यक्तींप्रमाणे, त्यांच्याकडे निवडणुका लढवण्याचा अनुभव नव्हता… त्यांची सर्वसाधारण कार्यपद्धती सदोष होती आणि त्यांनी आमच्या पक्षाच्या कार्यकर्त्यांशी उद्धटपणे वर्तन केले,” असे सांगितले.
काकोली यांनी आपल्या एका ताज्या मुलाखतीत पक्ष कार्यकर्त्यांमधील असंतोषावरही प्रकाश टाकला.
